بۇگىن وڭىرلىك كوممۋنيكاسيالار قىزمەتىندە اقپارات جانە كوممۋنيكاسيالار مينيسترلىگىنىڭ ب ا ق سالاسىنداعى مەملەكەتتىك ساياسات دەپارتامەنتى ديرەكتورى ەلدوس ءناشىرالىنىڭ جانە «قازتەلەراديو» اق-نىڭ تۇتىنۋشىلاردى قولداۋ جانە ساتۋ ورتالىعى ديرەكتورى عاني تۇماتوۆتىڭ قاتىسۋىمەن بريفينگ ءوتتى.

بريفينگتە سپيكەرلەر وبلىستىڭ ساندىق ەفيرلىك تەلەراديو حابارلارىن تاراتۋعا كوشۋى جەلتوقسان ايىنا جوسپارلانعانىن حابارلادى.

سپيكەرلەر جاڭا فورماتقا كوشۋدى قامتاماسىز ەتۋ ءۇشىن ۇلكەن جۇمىستىڭ اتقارىلعاندىعىن اتاپ ءوتتى. اتاپ ايتقاندا، 79 راديوتەليەۆيزيالىق ستانسيالار سالىنىپ، ولاردىڭ تاراتۋ اۋماعى 2،4 ملن. حالىق تۇراتىن 860 ەلدى مەكەندى قامتىدى. «تەلەراديو حابارلارىن تاراتۋ» زاڭىندا تەلەراديونىڭ حابار تاراتۋى جاڭا فورماتقا كوشەتىنىن حالىققا الدىن - الا حابارلاۋ كەرەكتىگى كورسەتىلگەن. وسىعان بايلانىستى وبلىس اكىمدىگىندە جيىن ءوتىپ، وندا ساندىق ەفيرلىك تەلەراديو حابارلارىن تاراتۋعا كوشۋدى قامتاماسىز ەتۋ ءىس-شارالار جوسپارى بەكىتىلدى.

«ساندىق ەفيردىڭ انالوگتىق جۇيەدەن ايتارلىقتاي ارتىقشىلىقتارى بار. اتاپ ايتقاندا، ساندىق تەحنولوگيا ارقىلى جوعارى ساپاداعى بەينە مەن دىبىسقا قول جزەتكىزەمىز. سونداي-اق، تارالىمى اۋقىمدى جانە الدەقايدا كوپ تەلەارنالاردى كورۋ مۇمكىندىگى تۋادى. ماسەلەن، وبلىس ورتالىعىندا 30 ارناعا دەيىن، ال اۋىلداعى كورەرمەندەر كەمىندە 15 ارنانى تاماشالاي الادى»، – دەدى ەلدوس ءناشىرالى.

قازىرگى ۋاقىتتا وبلىستا دايىندىق جۇمىستارى جۇرگىزىلۋدە. وسى جىلدىڭ اياعىنا دەيىن مانعىستاۋ، وڭتۇستىك قازاقستان جانە جامبىل وبلىستارىنىڭ ساندىق تاراتىلىمعا كوشۋى جوسپارلانۋدا.