ورال قالاسىنىڭ قۇرىلىسشى شاعىن اۋدانىندا ساعات 20:00 شاماسىندا اتىس بولىپ، ءبىر ادام قازا تاپتى. بۇل جايىندا Qamshy.kz اقپارات اگەنتتىگى «موي گورود» سايتىنا سىلتەمە جاساپ حابارلايدى.

بەلگىلى بولعانداي، وقيعا قۇرىلىسشى اۋدانىنداعى كوپقاباتتى ۇيلەردىڭ بىرىندە بولعان.

جەرگىلىكتى تۇرعىنداردىڭ ءبىرىنىڭ ايتۋىنشا، قاندى وقيعا №4 پودەزدىڭ 8 قاباتىندا بولعان.

«پاتەردە كۇيەۋبالاسى ءوزىنىڭ قايىناتاسى مەن ەنەسىنە وق اتقان. قايىناتاسىن اۋرۋحاناعا الىپ كەتتى، ال ەنەسى كوز جۇمدى. مەن «كومەكتەسىڭدەر» دەپ ايقالاعان داۋىستى ەستدىم، ءدال سول ۋاقىتتا دۇكەنگە بارا جاتقان ەدىم. سول جەردە وتىرعان اجەلەرگە ايەلگە كومەكتەسۋ ءۇشىن جاستاردى شاقىرۋىن ءوتىندىم»، - دەيدى كوپقاباتتى ءۇيدىڭ تۇرعىنى ماريا امەلياكينا.

بقو دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاۋىنشا، دارىگەرلەر 60 جاستاعى ايەل جەدەل جاردەم قىزمەتى كەلگەنشە وق ءتيىپ كوز جۇمعانىن ايتتى.

«66 جاستاعى ەر ادامعا وق جاراقاتىمەن قالالىق اۋرۋحاناعا جەتكىزىلدى»، - دەيدى دەنساۋلىق ساقتاۋ باسقارماسىنىڭ وكىلدەرى.

ايتا كەتەيىك، اتالمىش وقيعاعا بايلانىستى پروكۋراتۋرادان دا، پوليسيا بولىمشەسىنەن دە قانداي دا ءبىر اقپارات الۋ مۇمكىن بولمادى.

بقو پروكۋرورىنىڭ ورىنباسارى الەكساندر سۋرانكوۆ وقيعا ورنىندا بولىپ، الايدا قاندى قىلمىس جايىندا پىكىر بەرۋدەن باس تارتتى.

بقو دەنساۋلىق ساقتاۋ باسقارماسىنىڭ مالىمەتىنشە، وق ءتيىپ جاراقاتتانعان قايىناتاسىنا التى ساعات وتا جاسالعان.

«1951 جىلى تۋىلعان ەر ادامنىڭ ىشىنە وق ءتيىپ، ىشكى اعزالارىنا زاقىم كەلگەن»، - دەلىنگەن حابارلامادا.