بۇگىندە الماتى قالاسىندا بالاباقشاعا كەزەكتە تۇرعان 64 315 بالا بار. بۇل جايىندا Qamshy.kz اقپارات اگەنتتىگى Informburo.kz سايتىنا سىلتەمە جاساپ حابارلايدى.

الماتى قالاسىنىڭ ءبىلىم باسقارماسى بالالاردى بالاباقشاعا ەلەكتروندى تۇردە كەزەككە قويۋدىڭ شارتتارىن كورسەتتى. بيىل 15 مامىردان باستاپ بالاباقشالارعا كەزەككە تۇرۋ ەلەكتروندى ۇردە جۇزەگە اساتىن بولادى.

جاڭا اۆتوماتتاندىرىلعان جۇيەگە كوشى سالدارىنان بالاباقشالارعا كەزەككە تۇرۋ ءۇشىن مىنا سىلتەمەگە ءوتۋ قاجەت: balabaqsha.open-almaty.kz

بۇل مەملەكەتتىك قىزمەت ءتۇرىن الۋشىلار ءۇشىن تومەندەگىدەي شارتتار ورىندالۋى ءتيىس:

حقكو-دان ەلەكتروندى-سيفرلىق قولتاڭبا الىپ، سول ارقىلى كورسەتىلگەن سىلتەمەگە ءوتىپ ءوزىنىڭ جەكە كابينەتىنە كىرەدى؛

جەكە كابينەتىندە بايلانىس نومەرىن نەمەسە ەلەكتروندى پوشتاسىن قالدىرادى. كەيىننەن كورسەتىلگەن نومىرگە نەمەسە پوشتاعا كەزەگى كەلگەنى جايىندا اقپارات جىبەرىلەتىن بولادى؛

قاراشا جانە جەلتوقسان ايىندا تۋىلعان بالالاردى اۆتوماتتى تۇردە كەلەسى جىلعا كەزەككە قالدىرادى؛

ەلەكتروندى جۇيەدە تەك بوس ورىندارى بار مەملەكەتتىك جانە جەكەمەنشىك بالاباقشالار كورسەتىلەدى؛

جولدامانى الۋدىڭ مەرزىمى – ءۇش جۇمىس كۇنى.

باسىمدىلىققا قول جەتكىزۋ ءۇشىن بولىنگەن ۋاقىتتان كەيىن بوس ورىندار پايدا بولسا، باسقارۋ جۇيەسى بارلىق ۇمىتكەرلەرگە قولجەتىمدىلىكتى اشادى.

جولدامانى العاننان كەيىن اتا-انالار تاڭدالعان بالا-باقشاعا بەس جۇمىس كۇنىنىڭ ىشىندە حابارلاسۋى قاجەت.

قانداي دا ءبىر ماسەلەلەر تۋىنداسا 1308، 8 727 338 33 88، 8 727 262 21 15 نومىرلەرىنە حابارلاسا الادى نەمەسە sp.ddoalmaty@gmail.com ەلەكتروندى پوشتاسى ارقىلى بايلانىسقا شىعا الادى.

ايتا كەتەيىك، الماتى قالاسىنىڭ بالا-باقشالارىندا ءبىرىڭعاي ەلەكتروندى كەزەككە تۇرۋ جۇيەسى ىسكە قوسىلعان بولاتىن. Egov پورتالىنىڭ دۇرىس جۇمىس جاساماۋى سالدارىنان بالاباقشالارداعى جازبا ءبىر اپتا جۇمىس جاساماي تۇردى.