- ءيا، بۇل ماسەلە كۇن تارتىبىندە بولدى. كەلەردەن بۇرىن ەلەكتروندى پوشتامىزعا تۇتقىندارعا بايلانىستى حاتتار كوپتەپ ءتۇستى. قازاقستاننىڭ باس پروكۋراتۋراسىنان ماكس بوقايەۆ، ونىڭ دەنساۋلىعى، تالعات ايان تۋرالى جاۋاپ الىپ، 11 مامىردا پروكۋراتۋرا وكىلدەرىمەن كەزدەسەتىن بولدىق، - دەدى يۆەتا گريگۋلە.

سونىمەن بىرگە، يۆەتا گريگۋلە ەۋروپارلامەنت "قازاقستانداعى ساياسي تۇتقىنداردى بوساتۋ تالابىنا قالاي سەپتەسە الاتىنى" جايلى دا جاۋاپ بەردى.

- وسى سۇراقتى ماجىلىستە كوتەردىك. 11 مامىردا تاعى دا پروكۋراتۋرادا كوتەرەمىز. ەلشىلىگىمىز وسى سۇراققا بايلانىستى كۇندە جۇمىس ىستەيدى. مىنانى ىستە دەپ ەشكىمدى تىعىرىققا تىرەي المايمىز. ءوز تاجىريبەمىزبەن ءبولىسىپ، دالەلدەۋگە تىرىسامىز. ال ۇيرەتىپ، ماجبۇرلەي المايمىز، - دەدى يۆەتا گريگۋلە.

10 مامىردا قازاقستاننىڭ استانا مەن الماتى بار بىرنەشە قالاسىندا نارازىلىق شارالارى وتكەن. جيىلعان جۇرت ساياسي تۇتقىنداردى بوساتۋدى، تۇرمەدەگى ازاپتاۋدى توقتاتۋدى تالاپ ەتكەن. پوليسيا ونداعان ادامدى ۇستاپ اكەتكەن.