«حابار» اگەنتتىگىنە جاڭا باسشى تاعايىندالدى، دەپ حابارلايدى Qamshy.kz اقپارات اگەنتتىگى.

بۇرىنعى اقپارات جانە كوممۋنيكاسيالار ۆيسە-مينيسترى الان اجىبايەۆ «حابار» اگەنتتىگىنە باسشى قىزمەتىنە تاعايىندالدى.

بۇل ۋاقىتقا دەيىن اگەنتتىكتى الماگۇل احمەتجانوۆا ەكى جىل باسقارعان بولاتىن.

الان اجىبايەۆ 1974 جىلى 22 قاڭتاردا الماتى قالاسىندا دۇنيەگە كەلگەن. 1996 جىلى اباي اتىنداعى الماتى مەملەكەتتىك ۋنيۆەرسيتەتىن بىتىرگەن. 1994 جىلعى تامىز ايىنان 1995 جىلعى قىركۇيەك ايىنا دەيىن "ماكس" تەلەراديوكومپانياسىندا راديوجۇرگىزۋشى بولىپ جۇمىس ىستەگەن. 1995 جىلعى قىركۇيەكتەن 1997 جىلعى تامىز ايىنا دەيىن "31 ارنا" تەلەراديوكومپانيادا تەلە-راديوجۇرگىزۋشى بولىپ قىزمەت ەتتى. 1997 جىلعى قىركۇيەك ايىنان باستاپ 1998 جىلعى قىركۇيەك ايىنا دەيىن "تەلەراديوكومپانيا "City" ج ش س باعدارلامالىق ديرەكتورى بولدى. 1999 جىلعى اقپاننان 1999 جىلعى قىركۇيەك ايىنا دەيىن "كاراۆان راديوسىنىڭ" ديرەكتورى. كەيىنىرەك جەكە كاسىپكەرلىكپەن اينالىسقان.

2008 جىلعى اقپان ايىنان باستاپ 2010 جىلعى قاڭتارعا دەيىن "تاڭ" تەلەراديوكومپانياسى" جشس-ىندا باس پروديۋسەر بولىپ ەڭبەك ەتتى. 2009 جىلعى جەلتوقسان ايىنان باستاپ 2012 جىلعى مامىر ايىنا دەيىن - "تەنگري فم" راديوسىنىڭ باس پروديۋسەرى. 2012 جىلعى ماۋسىم ايىنان 2014 جىلعى قاڭتار ايىنا دەيىن "SKYMAX MEDIA" ج ش س باس ديرەكتورى. 2014 جىلدىڭ اقپان ايىنان 2016 جىلدىڭ تامىز ايىنا دەيىن "ايقىن" جانە "ليتەر" قوعامدىق-ساياسي گازەتتەرىنىڭ ديرەكتورى. مەديانارىقتاعى جۇمىس ءوتىلى - 20 جىل، ونىڭ ىشىندە باسشىلىق قىزمەتتە 10 جىل ەڭبەك ەتكەن.

2016-2008 جىلدارى قازاقستان رەسپۋبليكاسىنىڭ اقپارات جانە كوممۋنيكاسيالار ۆيسە-مينيسترى لاۋازىمىن اتقاردى. قازاقستان رەسپۋبليكاسى سىرتقى ىستەر مينيسترلىگىنىڭ جانىنداعى قوعامدىق كەڭەستىڭ مۇشەسى. «نۇر وتان» پارتياسىنىڭ مۇشەسى.