باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى باعدات مۋسين قىزمەتىنەن بوساتىلدى. بۇل جايىندا Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ حابارلايدى.
مەملەكەت باسشىسىنىڭ جارلىعىمەن مۋسين باعدات باتىربەك ۇلى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى قىزمەتىنەن بوساتىلدى.
سونىمەن قاتار، قايرات جاقىپبايەۆ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت باسشىلىعىنا تاعايىندالعانى حابارلاندى. 35 جاستاعى باعدات مۋسين بۇل ورىندا 2017 جىلدىڭ قاڭتارىنان ىستەپ كەلدى. 2014-تەن 2017 جىلعا دەيىن ول "قازپوشتا" اق باسقارما ءتوراعاسى قىزمەتىن اتقارعان.
پىكىر قالدىرۋ