قازاقستان مۇسىلماندارى ءدىني باسقارماسى رامازان ۋاقىتىنىڭ وزگەرۋىنە بايلانىستى 2018 جىلعى قازاقستان قالالارىنىڭ رامازان ايىنداعى ورازا جانە ناماز كەستەسىنىڭ جاڭا نۇسقاسىن بەكىتتى، دەپ حابارلايدى Qamshy.kz اقپارات اگەنتتىگى قمدب باسپا ءسوز قىزمەتىنە سىلتەمە جاساپ.
ماۋسىمنىڭ 10-نان 11-نە قاراعان ءتۇن - قاسيەتتى ءقادىر ءتۇنى. ورازا ايت 15 ماۋسىمدا، ال قۇربان ايت 21 تامىزدا باستالادى.
"رامازان ۋاقىتىنىڭ وزگەرۋىنە بايلانىستى نازارلارىڭىزعا 2018 جىلعى قازاقستان ەلدىمەكەندەرىنىڭ رامازان ايىنداعى ورازا جانە ناماز كەستەسىنىڭ جاڭا نۇسقاسىن ۇسىنامىز!
ءتورالقا ءماجىلىسى مۇشەلەرىنىڭ ءبىراۋىزدى شەشىمىمەن بيىلعى ءپىتىر ساداقا مولشەرى – 300 تەڭگە بولىپ بەكىتىلدى"، - دەلىنگەن حابارلامادا.
ايتا كەتەيىك، كەشە قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز رامازان ايىنىڭ قاي كۇنى باستالاتىندىعىنا قاتىستى رەسمي مالىمدەمە جاساعان بولاتىن.
پىكىر قالدىرۋ