يندونەزيانىڭ ياۆا ارالىنداعى ءۇش شىركەۋدە جارىلىس بولىپ، 9 ادام قازا تاپقان، ال 40-قا جۋىق ادام اۋىر جاراقاتتاندى، دەپ حابارلايدى ريا نوۆوستي سايتىنا سىلتەمە جاساپ.

«سۋراباي شىعىس ياۆادا ءۇش شىركەۋدە جەكسەنبى كۇنى بومبا جارىلدى. پوليسيا قىزمەتكەرلەرى ءوزىن-وزى جارىپ جىبەرگەن ءبىر تەرروريستتى بەكىتتى. ازىرگە توعىز ادام قازا تاۋىپ، 40-قا جۋىعى جاراقاتتانعانى بەلگىلى»، - دەلىنگەن جەرگىلىكتى باسىلىمداردىڭ بىرىندە.

العاشقى جارىلىس ياۆا ارالى سۋراباي قالاسىنداعى كاتوليكتەر شىركەۋىندە جەرگىلىكتى ۋاقىت بويىنشا تاڭعى 7:15-تە بولعان، ارتىنشا بەس مينۋت ارالىقپەن تاعى ەكى جارىلىس بولعان. ەكىنشى جارىلىس دجالان ديپونەگەروداعى پروتەستانتتىق شىركەۋدە بولسا، ءۇشىنشىسى اردجۋنو كوشەسىندە ورنالاسقان شىركەۋدە ورىن العان.

بەلگىلى بولعانداي، جارىلىستى ۇيىمداستىرعاندار شىركەۋگە كەلگەن قاراپايىم تۇرعىندار سەكىلدى كيىنىپ كەلگەن ەكەن. پوليسيا قىزمەتكەرلەرى زەرتتەۋ جۇمىستارىن جۇرگىزۋدە.