ەلوردادا 17 مەن 19 مامىر ارالىعىندا وتەتىن XI استانا ەكونوميكالىق فورۋمىن وتكىزۋ اياسىندا الەۋمەتتىك مەديادا «اەف-2018-گە بارامىن» بايقاۋى جاريالانعان بولاتىن.  بايقاۋ قورىتىندىسى بويىنشا قازاقستاندىق الەۋمەتتىك مەديا پايدالانۋشىلارى جەكە اككاۋنتتارىندا فورۋمنىڭ رەسمي حەشتەگتەرىمەن اەف-كە نەلىكتەن بارعىسى كەلەتىنى تاقىرىبىنداعى جازبالارىن نەمەسە بەينەروليكتەرىن جاريالادى.

نەگىزگى ماقساتى استانا ەكونوميكالىق فورۋمىن قازاقستاندىق جاستار اراسىندا ناسيحاتتاۋ، جالپى بۇقاراعا كۇن تارتىبىندەگى 11 سىن-تەگەۋىرىننىڭ جانە ءىس-شارانى Global Challenges Summit وزگەرتۋدىڭ ءمانىن اشۋ بولعان بايقاۋ 4 جانە 15 مامىر ارالىعىندا ءوتتى.

قۇرامىنا اەف ۇيىمداستىرۋ كوميتەتىنىڭ وكىلى دينارا جولداسپايەۆا، تانىمال تەلەجۇرگىزۋشى ءلايلا سۇلتان قىزى مەن بەلگىلى اقىن قالقامان سارين كىرگەن ءادىلقازىلار جۇزدەن استام جۇمىستىڭ ىشىنەن ەڭ ۇزدىك بەسەۋىن ىرىكتەپ الدى. جەڭىمپازدار 17 جانە 18 مامىر ارالىعىندا اەف-كە تەگىن بارۋ مۇمكىندىگىنە يە بولادى. سونىمەن قاتار اقتىق سىنعا شىققانداردىڭ استانا ەكونوميكالىق فورۋمىنىڭ اتاقتى سپيكەرلەرىنىڭ بىرىمەن فوتوعا تۇسۋگە كەرەمەت مۇمكىندىگى بار.

«اەف-2018-گە بارامىن» بايقاۋى جەڭىمپازدارىنىڭ ەسىمدەرى جاريالاناتىن باسپا ءسوز كونفەرەنسياسى مەن رەسمي ماراپاتتاۋ 16 مامىر كۇنى ساعات 12:00-دە استانا قالاسى، ساۋران كوشەسى 45 مەكەنجايى بويىنشا «Hilton» وتەلىندە وتەدى.