جاھاندىق سىن-تەگەۋرىندەردى سىن-تەزىنە العان استانا ەكونوميكالىق فورۋمىنىڭ الاڭىندا باتىس قازاقستان وبلىسىنداعى مال بورداقىلايتىن ورىن جانە ەت كومبيناتىن جانداندىرۋ بويىنشا مەموراندۋمعا قول قويىلدى. بۇل تۋرالى Qamshy.kz اقپارات اگەنتتىگى ءتىلشىسى حابارلايدى.

فورۋمى اياسىندا بۇگىن 10 ءىرى جوبا بويىنشا مەموراندۋمدار مەن جول كارتالارى بەكىتىلدى. ونىڭ ىشىندە تۇركىستانداعى تۇيە مەن بيە ءسۇتىن وڭدەيتىن زاۋىت پەن پەتروپاۆلداعى تەحنيكا قۇراستىرۋ كاسىپورنىن سالۋ سەكىلدى ءىرى جوبالار بار. فورۋم اياسىندا بۇدان بولەك، ەۋرازيالىق وداق پەن جۇڭگو جانە يران اراسىنداعى ەركىن ساۋدا ايماعى تۋرالى كەلىسىمدەرگە قول قويىلدى.

قول قويۋ راسىمىنە وبلىس اكىمى التاي كولگىنوۆ، «Dunbia» كومپانياسىنىڭ نەگىزىن قالاۋشىسى روبەرت دجون دوبسون (ۇلىبريتانيا)، «قازاگرو» ۇلتتىق باسقارۋشى حولدينگى» اق باسقارما ءتوراعاسى نۇرلىبەك مالەلوۆ مەن «قازاقستان ەت وداعىنىڭ» جكزتب-نىڭ باس ديرەكتورى ماقسۇت باقتىبايەۆ قاتىستى.

وبلىس اكىمى اۋىل شارۋاشىلىعى، اسىرەسە مال شارۋاشىلىعى دامۋىنداعى ايماقتىڭ الەۋەتى وتە جوعارى ەكەنىن اتاپ ءوتتى.

«ءبىز «Crown Batys» مال بورداقىلاۋ كەشەنىن قالپىنا كەلتىرۋ بويىنشا جۇمىستار جۇرىزەتىن بولامىز. ينۆەستور ايماققا قارجى قۇيادى، ءبىز ەت جانە ەت ونىمدەر نارىعىن دامىتۋ مەن ەكسپورتقا شىعارۋ ءۇشىن بارلىق جاعداي جاسايمىز»،- دەدى التاي كولگىنوۆ.

اتالعان شارا ق ر اۋىل شارۋاشىلىعى مينيسترلىگىنىڭ قولداۋىمەن ءوتتى.

ايتاك كەتسەك، «Dunbia» قىزىل ەت ونىمدەرىن قايتا وڭدەۋ بويىنشا جەتەكشى كومپانيالاردىڭ ءبىرى، ونىڭ ىشىندە بولشەك جانە كوتەرمە ساۋدادا سيىر ەتى، قوي ەتى مەن شوشقا ەتىن ءوندىرۋ، جەرگىلىكتى، ۇلتتىق جانە حالىقارالىق دەڭگەيدە تاماقتاندىرۋمەن اينالىسادى. اتالعان كومپانياعا ۇلىبريتانيا مەن يرلانديا ەلدەرىنەن 25 كاسىپورىن كىرەدى، وندا 1 ميلليوننان استام ءىرى قارا مال جانە 3 ميلليوننان استام قوي بار. وندىرىستە 30 مىڭنان استام فەرمەر جانە 7 مىڭ ادام جۇمىسپەن قامتىلعان. كومپانيا الەمنىڭ ءارتۇرلى ەلدەرىندە 50-دەن استام وكىلدىكتەرى بار. كاسىپورىن تۇراقتى ەكونوميكالىق ءوسىمدى كورسەتە وتىرىپ، ولاردىڭ اينالىم قاراجاتى 2 ملرد. ەۆرونى قۇرايدى. Dunbia ەۋروپالىق نارىققا جوعارى ساپالى ءونىم جەتكىزۋشى بولىپ تابىلادى، ونىڭ ىشىندە «McDonalds»، «Tesko»، «Spar»، «M&S» ءىرى ساۋدا جەلىلەرىمەن جۇمىس جاسايدى. سونداي-اق، كومپانيا اگروونەركاسىپتىك كەشەندە ماماندار دايىندايتىن ەۋروپالىق ۋنيۆەرسيتەتتەرمەن، سونىڭ ىشىندە كومپانيا ءۇشىن گرانتتارمەن جۇمىس ىستەيدى. «Dunbia» كومپانياسى ءوز ونىمدەرىن جاقسارتۋ ءۇشىن عىلىمي زەرتتەۋلەر مەن ازىرلەمەلەردى ارتتىرۋ جۇمىستارىن بەلسەندى تۇردە ينۆەستيسيالايدى. نەگىزگى باعىتى تۇقىمداردى اسىلداندىرۋ، تۇراقتاندىرۋ رەجيمى مەن راسيونعا ارنالادى.