بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ جامبىل وبلىسى «ءماتىبۇلاق» وقۋ پوليگونىنىڭ بازاسىندا وبلىستىڭ اۋماقتىق قورعانىس بريگاداسىنىڭ اسكەرلەردىڭ جاۋىنگەرلىك پارادقا تارتىلعان جەكە قۇرامدى ماراپاتتادى. سونىمەن بىرگە وتان الدىنداعى ءوز بورىشىن وتەۋگە اتتانىپ جاتقان جاس ساربازدارعا ساتتىلىك تىلەدى.
«تاربيە – تال بەسىكتەن» دەگەن اتام قازاق، كوكىرەگىندە نامىسى بار، بويىندا كۇش قۋاتى بار، وتان ءۇشىن وتقا تۇسەتىن ۇرپاق ءوسىردى. سول ۇرپاقتىڭ جاستارىمەن قازىرگى تاڭدا قازاقستان اسكەرى جاساقتالۋدا. وسى اسكەردىڭ قالىپتاسۋىندا وڭتۇستىك قازاقستاننىڭ ەلەۋلى ورنى بار. بيىلعى كوكتەمگى شاقىرتۋ كەزىندە قازاقستان رەسپۋبليكاسىنىڭ قارۋلى كۇشتەرى قاتارىنا 2،5 مىڭنان استام وڭتۇستىك جاۋىنگەرلەرى اتتاندى. ءار ادام وتان ءسۇيۋدى وزىنەن باستاسا عانا ناتيجە شىعادى، ياعني ەل دامىپ، جەر كوركەيەدى. مىنە سول ءۇشىن دە ءار ازامات ءوز دەڭگەيىندە ەلىمىزدىڭ وركەندەپ وسۋىنە، گۇلدەنۋىنە، تىنىش ءارى بەيبىت ءومىر سۇرۋىنە ۇلەس قوساتىنىنا سەنىمدىمىن»،-دەدى ءوڭىر باسشىسى.
ايتا كەتەيىك، اسكەرلەردىڭ جاۋىنگەرلىك پارادىندا وبلىستىڭ اۋماقتىق قورعانىس بريگاداسىنىڭ جەكە قۇرامى وزدەرىنىڭ جوعارى دايىندىعىن كورسەتە ءبىلىپ، اسكەري قىزمەتى جانە ىشكى ءتارتىپتى ۇيىمداستىرۋ كونكۋرسىندا 1ء-شى ورىنعا يە بولعان.
سالتاناتتى شاراعا قاتىسقان قازاقستان رەسپۋبليكاسى قورعانىس ءمينيستردىڭ ورىنباسارى گەنەرال-لەيتەنانت تالعات مۋحتاروۆ ءار جىلى مەرزىمدى اسكەري قىزمەتكە 24 مىڭ ازامات شاقىرىلسا، ونىڭ 4 مىڭعا جۋىعى وڭتۇستىك قازاقستان وبلىسىنىڭ جاستارى بولىپ تابىلاتىنىن اتاپ ءوتتى.
«بۇگىن ءبىز، قازاقستان رەسپۋبليكاسى قارۋلى كۇشتەرى قاتارىن تولىقتىرۋعا، وتان الدىنداعى مىندەتىن اتقارۋعا جاس ۇرپاقتارىمىزدى سالتاناتپەن شىعارىپ سالۋدامىز. سوڭعى 2-3 جىلدىڭ قورىتىندىسى بويىنشا قارۋلى كۇشتەردىڭ جاس بۋىنمەن تولىقتىرۋ جۇمىستارىندا سانى مەن ساپاسى جاعىنان وڭتۇستىك قازاقستان وبلىسى رەسپۋبليكادا الدىڭعى قاتاردا. ەلىن قورعاۋ ەردىڭ ءىسى، وسىنداي ەر-ازاماتتاردى دۇنيەگە اكەلىپ، تالىم-تاربيە بەرىپ، وسىرگەن اتا-انالارعا شەكسىز العىسىمدى بىلدىرگىم كەلەدى!»،-دەدى ت.مۋحتاروۆ.
بۇدان بولەك، اسكەري شاراعا 35748 اسكەري ءبولىمىنىڭ باستىعى مەن جەكە قۇرامى، وقو ءقىجد باستىعى مەن وكىلدەرى، وقو ارداگەرلەر كەڭەسىنىڭ وكىلدەرى، اسكەر قاتارىنا اتتانۋشىلار مەن ولاردىڭ اتا-انالارى، 35748 اسكەري ءبولىمىنىڭ جاۋىنگەرلەرى، شىمكەنت قالاسى سابىر راحىموۆ اتىنداعى «جاس ۇلان» مەكتەبىنىڭ تاربيەلەنۋشىلەرى مەن شىمكەنت قالاسىنىڭ جاستارى قاتىستى.
