وڭتۇستىك قازاقستان وبلىسىندا «Men Qazaqpyn» تەليەۆيزيالىق جوباسىنا ىرىكتەۋ باستالادى. ءداستۇرلى ءان مەن كۇي، تەرمە سىندى ونەرىمىزدى ۇلىقتايتىن «QAZAQSTAN» ۇلتتىق تەلەارناسىنىڭ مەگا جوباسى بيىل دا جالعاسىن تابادى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە «Ontustik» تەلەارناسىنىڭ ديرەكتورى باۋىرجان بەردىمۇراتوۆ ءمالىم ەتتى.
باۋىرجان بەردىمۇراتوۆتىڭ سوزىنشە، وڭتۇستىكتەن ىرىكتەلىپ شىققان ءۇش ونەرپاز رەسپۋبليكالىق دەڭگەيدە ءوڭىر نامىسىن قورعايتىن بولادى. ال، بايقاۋ قازاق xالقىنىڭ ءتول ونەرى، سونىڭ ىشىندە جىر-تەرمەلەر مەن كۇيلەردى بۇگىنگى زامان تالابىنا ساي جاڭارتىپ، وسكەلەڭ ۇرپاققا جەتكىزۋ ماقساتىندا ۇيىمداستىرىلىپ وتىر. وبلىستىق مادەنيەت باسقارماسىنىڭ ءبولىم باسشىسى عاليا اليكەن قىزىنىڭ ايتۋىنشا، ارنايى توپ وبلىستاعى ءاربىر اۋداندى ارالاپ، جوباعا قاتىسۋشىلاردى ىرىكتەيدى.
«بايقاۋعا قاتىسۋشىلاردىڭ جاس ەرەكشەلىگى - 18 بەن 40 جاس ارالىعى. سونداي-اق، ساxناعا شىعاتىن ونەرپازداردىڭ كيىمى قازاقى ۇلگىدە ءارى بۇگىنگى زامان تالابىنا ساي بولۋى ءتيىس. العاشقى ىرىكتەۋ سايىسى مامىر ايىنىڭ 17ء-سى كۇنى سوزاق پەن بايدىبەك اۋداندارىندا باستالادى. 5 ماۋسىم كۇنى وبلىستىق دەڭگەيدە وتكىزىلىپ، ايماقتان ءان، كۇي، تەرمە جانرلارى بويىنشا 3 جەڭىمپاز تامىز ايىندا رەسپۋبليكالىق جارىسقا اتتانادى»، - دەدى عاليا اليكەن قىزى.
«Men Qazaqpyn» جوباسىنىڭ رەسپۋبليكالىق اينالىمىندا جەڭىسكە جەتكەن جەڭىمپازدار "جىلدىڭ ەڭ ۇزدىك ءداستۇرلى ءانشىسى"، "جىلدىڭ ەڭ ۇزدىك تەرمەشىسى" جانە "جىلدىڭ ەڭ ۇزدىك كۇيشىسى" اتالىمدارى بويىنشا ماراپاتتالادى. سونداي-اق، باسپا ءسوز ءماسليحاتىنا قاتىسقان جازۋشى مارحابات بايعۇت اتالعان جوبانىڭ ماڭىزدىلىعىنا توقتالدى.
«ۇلتتىق كودىمىز بەن تامىرىمىزدى تانىتاتىن «Men Qazaqpyn» سىندى جوبانىڭ جالعاسىن تاۋىپ جاتقاندىعىنا قۋانىشتىمىن. ۇلتىمىزدىڭ تاريحى مەن دۇنيەتانىمىنىڭ ءبىر بولشەگى وسى ءانىمىز مەن كۇيىمىزدە، تەرمەدە جاتىر. جاس ۇرپاقتىڭ وسى ۇلتتىق ونەرگە اۋەستىگى رۋحاني قۇندىلىعىن ساقتاعاندىعى. بۇل تۇرعىدا ق ر اقپارات جانە كوممۋنيكاسيالار ءمينيسترى داۋرەن ابايەۆ پەن "Qazaqstan" رترك" اق-نىڭ باسقارما ءتوراعاسى ەرلان قارين سىندى ازاماتتارعا العىس بىلدىرەمىن»، - دەدى مارحابات بايعۇت.
