ەلباسىمىز ن. ءا. نازاربايەۆ ۇستىمىزدەگى جىلدىڭ 10 قاڭتارىنداعى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى كەزەكتى جولداۋىندا «اگروونەركاسىپ كەشەنىن قارقىندى دامىتۋ ءمۇمكىندىگى» دەپ اتاعان مىندەتىندە جەردى بارىنشا ءتيىمدى يگەرەتىندەردى ىنتالاندىرىپ، ال دۇرىس پايدالانا المايتىندارعا شارا قولدانۋدى تاپسىرعانى بەلگىلى. سونداي-اق پرەزيدەنتىمىز جەردىڭ ءار مەترى ءتيىمدى پايدالانىلۋىن جانە مەملەكەت وسىعان ۇنەمى مونيتورينگ جاساۋدى ءبىر جۇيەمەن شەشۋدى دە مىندەتتەگەن بولاتىن.
وسى ورايدا بقو جەردىڭ پايدالانىلۋى مەن قورعالۋىن باقىلاۋ باسقارماسىنىڭ ءبولىم باسشىسى جانايدار مولداشيەۆ وبلىس اۋماعىنداعى يگەرىلمەي بوس جاتقان نەمەسە ءتيىمسىز پايدالانىلىپ جۇرگەن اۋىل شارۋاشىلىعى جەرلەرىن اينالىمعا تارتۋ ءۇشىن بىركەلكى جۇمىستاردىڭ اتقارىلعانىن ايتتى.
-اۋىل شارۋاشىلىعى ماقساتىنداعى جەر-لەردى ۇتىمدى جانە ءتيىمدى پايدالانۋ ماقساتىندا جەردى نارىقتىق اينالىمعا ەنگىزۋ ارقىلى جەردىڭ ەكونوميكالىق تيىمدىلىگىن كوتەرۋ بويىنشا ءبىراز ءىس-شارالار قولدانىلىپ، جاڭا زاڭدار قابىلدانىپ جاتىر. سونىڭ ءبىرى – 2017 جىلدىڭ اقپان ايىنان باستاپ قولدانىسقا ەنگىزىلگەن ق ر «جايىلىمدار تۋرالى» زاڭى. سوندىقتان بولاشاقتا اۋىل شارۋاشىلىعى جەرلەرىن پايدالانۋشىلار ءۇشىن، سونىڭ ءىشىندە جايىلىمدىق جەرلەردى پايدالاناتىندار دا وسى زاڭ تالاپتارىن ورىنداۋعا مىندەتتى. وسى ارادا جەردىڭ دۇرىس يگەرىءلۋى، قۇنارلىلىعىنىڭ ساقتالۋى ءۇشىن جەردى پايدالانۋشىلار قانداي شارالار اتقارۋلارى قاجەت دەگەن سۇراقتىڭ تۋىنداۋى دا زاڭدىلىق. جەر پايدالانۋشىلار تاراپى- نان جاسالاتىن شارالار ق ر ۇلتتىق ەكونوميكا مينيسترلىگىنىڭ 2015 جىلعى 27 ناۋرىزىنداعى №268 بۇيرىعىمەن بەكىتىلگەن «اۋىل شارۋاشىلىعى ماقساتىنداعى جەردى ۇتىمدى پايدالانۋ قاعيداسىندا» جانە ق ر اۋىل شارۋاشىلىعى ميءنيسترىنىڭ 2017 جىلعى 24 ساۋىردەگى №173 بۇيرىعىمەن بەكىتىلگەن «جايىلىمداردى ۇتىمدى پايدالانۋ قاعيداسىندا» ايقىن كورسەتىلگەن. اتاپ ايتساق، جەردىڭ قۇنارلىعىن ساقتاۋ جانە ارتتىرۋ، اۋىل شارۋاشىلىعى داقىلدارىنىڭ بەلگىءلى ءبىر ونىمدىلىك دەڭگەيىن ساقتاۋ، اۋىسپالى ەگىستى ساقتاۋ، جايىلىم ۋچاسكەلەرىندە جىل ماۋسىمدارى بويىنشا كەڭىستىكتە جانە ۋاقىتپەن كەزەكتەسۋلەرىنىڭ ساقتالۋى، مال شارۋاشىلىعىمەن اينالىسۋ كەزىن- دە جايىلىمدىق جەردە وڭتايلى جۇكتەمەنى قامتاماسىز ەتۋ، اۋىل شارۋاشىلىعى ماقساتىنداعى جەرلەردە ءارامشوپ پەن اعاش بۇتا ءوسىمدىكتەرىنىڭ ءوسىپ كەتۋىنە، سون- داي-اق تۇرمىستىق جانە وندىرىستىك قالدىقتارمەن قوقىستانۋىنا جول بەرمەۋ بويىنشا تالاپتار قويىلعان. وسىلايشا، ەگەر اۋىل شارۋاشىلىعى ءونىمىن وندىرەم دەپ جەر العاندار ول جەرىن ەكى جىلدان ارتىق پايدالانۋسىز قالدىرسا نەمەسە جەردىڭ توپىراق قۇنارلىعىن كوپ ءتومەندەءتىپ جىبەرسە، ول جەردى ءارامشوپ نە باسقا دا كارانتيندىك ءوسىمدىكتەر باسىپ كەتسە، ول جەر مەملەكەت مەنشىگىنە كەرى قايتارىپ الىناتىن بولادى،- دەدى جانايدار مولداشيەۆ.
