« ... قازىرگى دەنساۋلىق ساقتاۋ ءىسى قىمباتقا تۇسەتىن ستاسيونارلىق ەمگە ەمەس، نەگىزىنەن اۋرۋدىڭ الدىن الۋعا باعىتتالۋعا ءتيىس»
ق ر پرەزيدەنتى ن. نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنان
باتىس قازاقستان وبلىستىق ونكولوگيالىق ديسپانسەردە ونكولوگ، مەديسينا عىلىمدارىنىڭ دوكتورى، ق ر دەنساۋلىق ساقتاۋ مينيسترلىگىنىڭ ونكولوگيالىق قىزمەتتى باعالاۋ جانە مونيتورينگ جۇرگىزۋ توبىنىڭ جەتەكشىسى نۇرلان بالتابەكوۆتىڭ قاتىسۋىمەن مەديسينا قىزمەتكەرلەرىنە ارنالعان وقىتۋ سەمينارى وتۋدە.
«باستاپقى مەديسينالىق-سانيتارلىق كومەك دەڭگەيىندە قاتەرلى ىسىكتى ەرتە ساتىسىندا انىقتاۋ الگوريتمى» تاقىرىبىن ارقاۋ ەتكەن بەس كۇندىك وقىتۋ سەمينارىنا قالالىق، اۋداندىق اۋرۋحانالار مەن ەمحانالاردىڭ جانە اۋىل- دىق امبۋلاتوريالاردىڭ 150-دەن استام مەديسينا قىزمەتكەرى قاتىسۋدا. قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ونكولوگ-دارىگەرى نۇرلان بالتابەكوۆتىڭ ايتۋىنشا، اتالمىش شارا ەلىمىزدىڭ بارلىق وڭىرلەرىندە ۇيىمداستىرىلىپ وتىر. قاتەرلى ىسىكتى ەرتە ساتىسىندا انىقتاۋ جانە ەمدەۋ كورسەتكىشى بويىنشا باتىس قازاقستان وبلىسى رەسپۋبليكادا الدىڭعى قاتاردا. ايتكەنمەن، اۋدان-اۋىلدارداعى مەديسي- نا قىزمەتكەرلەرىنىڭ ءبىلىمىن ارتتىرۋ ارقىلى ونكولوگيالىق اۋرۋلار- دى ەرتە كەزەڭدە انىقتاۋعا، سايكەسىنشە ناۋقاستىڭ كەسەلدى جەڭىپ شىعۋىنا جاردەمدەسۋگە بولادى.
– قاتەرلى ىسىك العاشقى ساتىسىندا ەش بەلگىلەرسىز وتەتىندىكتەن، سكرينينگتىك تەكسەرۋلەرسىز انىقتاۋ مۇمكىن ەمەس. وبىردىڭ قاۋىپتىلىگى دە وسىندا. كوپ ادامدار اعزاداعى ءتۇرلى اۋىتقۋلارعا ءمان بەرمەي، اۋرۋ ابدەن اسقىنعاندا عانا دارىگەرگە قارالادى. وقىتۋ سەمينارىندا دارىگەرلەر مەن فەلد- شەرلەرگە، مەيىربيكەلەرگە قاتەرلى ىسىكتىڭ العاشقى بەلگىلەرى، اۋرۋ- دىڭ سەبەپ-سالدارى، وبىر العاش انىقتالعان ناۋقاستار ءۇشىن مورالدىق-پسيحولوگيالىق كومەكتىڭ ماڭىزى تۋرالى ناقتى كەڭەستەر بەرىلەدى. قاتەرلى ىسىك – ۇكىم ەمەس. اۋرۋ ەرتە ساتىسىندا انىقتالسا، ناۋقاس تولىق جازىلىپ شىعادى، – دەيدى ونكولوگ-دارىگەر. قاتەرلى ىسىك اۋرۋىنىڭ الدىن الۋ ماقساتىندا ەرتەڭ ورال قالاسىنداعى وبلىستىق ونكولوگيالىق ديسپانسەردە «اشىق ەسىك» كۇنى وتەدى. قابىلداۋ 18 مامىردا الماتى كوشەسى 58 مەكەنجايىن- دا ورنالاسقان وبلىستىق ونكولو- گيالىق ديسپانسەردىڭ 127-بولمە- سىندە ساعات 10.00-16.00 ارالىعىندا وتەدى. وبلىستىڭ كەز كەلگەن تۇرعىنىنىڭ الدىن الا جازىلۋسىز تەگىن تەكسەرۋدەن ءوتىپ، ونكولوگ-دارىگەرلەردەن كەڭەس الۋعا مۇمكىندىگى بار.
گۇلىم اقاپ،
باتىس قازاقستان وبلىسى
