جۋىردا ارنايى «رۋحاني جاڭعىرۋ» باعدارلاماسى اياسىندا باتىس قازاقستان وبلىسىنىڭ تۋماسى، كەڭەس وداعىنىڭ باتىرى سۇندەتقالي ەسقالييەۆتىڭ ەرلىگىن زەرتتەۋ، ەسىمىن ۇلىقتاۋ ماقساتىندا باتىر بابامىزدىڭ جەرلەنگەن جەرى بەلورۋسسيا رەسپۋبليكاسى،  موگيليەۆ وبلىسى بىحوۆ اۋدانى لۋدچيسى دەريەۆنياسىنا بارىپ قايتقان بولاتىن.

سۇندەتقالي ەسقالييەۆ - 1924 جىلى باتىس قازاقستان وبلىسى، شىڭعىرلاۋ اۋدانىنىڭ الماز اۋىلدىق وكرۋگىنە قاراستى اققۇدىق (كونستانتينوۆكا) ەلدى مەكەنىندە دۇنيەگە كەلگەن. ول 1942 جىلعى شىلدە ايىندا اسكەرگە الىنعان. 1944 جىلى 556-اتقىشتار پولكىنىڭ قۇرامىندا موگيليەۆ وبلىسى بىحوۆ اۋدانى لۋدچيسى دەريەۆنياسىن ازات ەتۋدە ماڭگى وشپەس ەرلىك كورسەتىپ، تاريحتا باتىر بولىپ قالدى. اتاپ ايتقاندا، ماۋسىم ايىنىڭ 23-نەن 24-نە قاراعان تۇنگى شايقاستا توقتاماستان وق بوراتقان جاۋ پۋلەمەتىنە جەر باۋىرلاپ بارىپ لاقتارعان گراناتاسى جارىلماي قالادى. وسى ساتتە باتىر سۇندەتقالي جاۋىنگەر ۇشىپ تۇرىپ، امبرازۋرانى ءوز كەۋدەسىمەن جابا قۇلادى. كەدەرگى بولعان پۋلەمەتتىڭ ءۇنى سوندا عانا وشەدى. وسىلايشا جانقيارلىق ەرلىگىمەن س.ەسقالييەۆ ءوز جولداستارىنا جول اشقان ەدى.  ا.ماتروسوۆتىڭ ەرلىگىن قايتالاپ، نەبارى جيىرما جاسىندا قىرشىن كەتكەن قازاق جىگىتىنە 1945 جىلى 24 ناۋرىزدا كەڭەس وداعىنىڭ باتىرى اتاعى بەرىلەدى.

باتىر بابامىزدىڭ ەرلىگىن ناسيحاتتاۋ ماقساتىندا باتىس قازازقستان وبلىسىنان بەلورۋسسيا ەلىنە شىڭعىرلاۋ اۋداندىق ءبىلىم ءبولىمىنىڭ باسشىسى ا.ساپاروۆتىڭ باستاۋىمەن اۋداننان جاساقتالعان توپ بەلورۋسسيا جەرىنە ساپارعا شىقتى.

سۇندەتقالي بابامىزدىڭ جەرلەنگەن جەرى بىحوۆسكىدە تايمانوۆا دەريەۆنياسىنان ءۇش شاقىرىم جەردە ورنالاسقان باۋىرلاستار زيراتىنا بارىپ، رۋحىنا تاعزىم ەتىپ، تۋعان ەلىنەن ءبىر ۋىس توپىراعى قويىلدى.

بۇگىندە باتىر قالا مينسكىدەن، بىحوۆسك قالاسى ورتالىعى كوشەلەرىنە سۇندەتقالي ەسقالييەۆتىڭ ەسىمى بەرىلىپ، مەكتەپتە، مۋزەيدە ارنايى بۇرىشتار ورنالاستىرىلىپ، بەلورۋس پيونەرلەرىنىڭ ەسىمىن انگە قوساتىنىن قانداي قۇرمەت ەكەنىن باعالاي بەرىڭىز!

اداق شوتپانوۆ