23-24 ماۋسىمدا الماتى قالاسىنداعى «بورالداي» ارحەولوگيالىق پاركىندە «ۇلى دالا – كوشپەندىلەر الەمى» حالىقارالىق ەتنو-مادەني فەستيۆالى وتەدى. فەستيۆالعا تۇركيا، موڭعوليا، باشقۇرتستان، تىۆا، ۋكراينا، داعىستان، قالماق رەسپۋبليكاسى، وزبەكستان، ياكۋتيا، بۋرياتيا، ساحا رەسپۋبليكاسى جانە قىرعىزستان ەلدەرىنىڭ ۇزدىك ونەرپازدارى قاتىسادى.

فەستيۆالعا جينالعان حالىق كوشپەندىلەردىڭ وتكەن داۋىرىنە ساياحات جاسايدى. ءتۇرلى ءىس-شارالار، ۆيكتورينالىق ويىندار مەن سايىستاردان سىيلىقتار ۇتىپ الىپ، قىزىقتى شەبەرلىك ساباقتارىنا قاتىسىپ، كوڭىل كوتەرەدى. مىسالى، جىگىتتەر كۇش سىناسىپ، پالۋاندار سايىسىنا تۇسسە، قىز-كەلىنشەكتەر ۇلتتىق تاعامداردى ەسكى تاسىلدەرمەن دايىنداۋدىڭ قۇپياسىمەن تانىسادى. سونداي-اق، كورەرمەندەر اراسىندا «ەڭ ادەمى ۇلتتىق كيىم» بايقاۋى ۇيىمداستىرىلىپ، جەڭىمپازدارعا باعالى سىيلىقتار تابىستالادى.

«ۇلى دالا –كوشپەندىلەر الەمى» حالىقارالىق فەستيۆالىندە:

● كوش شەرۋى

●ەتنواۋىل

● ات قۇلاعىندا وينايتىن شەت ەلدىك جانە قازاقستاندىق شاباندوزداردىڭ سان ءتۇرلى ونەرى

● الەمنىڭ جانە قازاقستاننىڭ ەڭ ۇزدىك ەتنومۋزىكانتتارىنىڭ ونەرى

● ۇلتتىق ويىندار: كوكپار، اۋدارىسپاق، قىز قۋۋ، اساۋعا تۇساۋ سالۋ، تەڭگە ءىلۋ، جامبى اتۋ

● ۇستا، زەرگەر، قولونەرشى شەبەرلەردىڭ، ۇستالاردىڭ ونەرى

● ۇلتتىق تاعامداردى دايىنداۋ مەن قولونەردەن شەبەرلىك ساباقتارى

● بالالار الاڭى

● التىباقان

● جاستار ايماعى

●قۇسبەگىلەر، مەرگەندەر مەن پالۋاندار سايىسى، وتباسىلىق جارىستار

● گالا-كونسەرت

فەستيۆال 9-10 ماۋسىم كۇندەرى تاڭەرتەڭگى ساعات 10.00 – 19.00 ارالىعىندا وتەدى.

وتەتىن ورنى: الماتى قالاسى، الاتاۋ اۋدانى، «بورالداي» ارحەولوگيالىق پاركى. تۇرعىنداردى فەستيۆال ايماعىنا جەتكىزۋ جاعى دا قاراستىرىلعان. «ورتالىق ستاديون» ايالداماسى مەن «استانا» الاڭى جانە «ساياحات» ايماعى مەن «الاتاۋ» ءداستۇرلى ونەر تەاترى ماڭىنان ءار 30 مينۋت سايىن ارنايى اۆتوبۋستار جۇرەدى. فەستيۆالعا كىرۋ تەگىن.

بايلانىس تەلەفونى: +7 701 3434371

بۇل – ءسىز بەن ءبىزدىڭ تاريحىمىز! ۇلى دالانىڭ ماڭگىلىك داستانىن بىرگە جىرلايىق!