الماتى اكىمى باۋىرجان بايبەك كاتار بيزنەسمەندەرى اسسوسياسياسىنىڭ ءتوراعاسى، «فەيسال حولدينگ» كومپانياسىنىڭ باسقارما باسشىسى شەيح فەيسال بەن كاسيم ال-تانيمەن كەزدەستى. تاراپتار مەيمانحانا بيزنەسى سالاسىنداعى ەكىجاقتى ينۆەستيسيالىق بايلانىستى دامىتۋ، تۋريزم، قۇرىلىس جانە باسقا دا ماسەلەلەردى تالقىلادى.
«Al Faisal Holding» - كاتاردىڭ ءىرى جەكە حولدينگى، ەل ەكونوميكاسىن دامىتۋدا باستى ءرول اتقارادى جانە تاياۋ شىعىستاعى جەتەكشى كوممەرسيالىق قۇرىلىم بولىپ تابىلادى.
كاتار دەلەگاسياسى الماتىنىڭ نەگىزگى الەۋمەتتىك-ەكونوميكالىق كورسەتكىشتەرىمەن، تۋريزم سالاسىنا، ينفراقۇرىلىمدى دامىتۋعا قاتىستى جوبالارمەن، الاتاۋ اۋدانىنداعى يندۋستريالدى ايماق پەن ارنايى ەكونوميكالىق ايماقتىڭ الەۋەتتەرىمەن تانىستى.
«الماتى جەدەل دامىپ كەلە جاتقان مەگاپوليس، مۇندا ينۆەستيسيا ءۇشىن مۇمكىندىكتەر ۇلكەن. قالا تاۋ ەتەگىنە ورنالاسقان، عاجاپ كليمات، ەرەكشە مادەنيەت، سوندىقتان ءبىز ءۇشىن تۋريزم مەن جىلجىمايتىن مۇلىك سالاسى قىزىعۋشىلىق تۋعىزادى. الماتىدان سوڭ ءبىز ارىپتەستەرىمىزبەن بىرگە استاناعا بارامىز، ساپار قورىتىندىسىنان سوڭ ناقتىلى كەلىسىمدەرگە قولجەتكىزەمىز دەگەن سەنىمدەمىز»، - دەپ اتاپ ءوتتى شەيح فەيسال بەن كاسيم ال-تاني.
پىكىر قالدىرۋ