جايلى قالا كەڭىستىگىن قالىپتاستىرۋ ماقساتىندا بيىلعى جىلى بۇرىنعى جەتى سۋبۇرقاقتى قايتا جوندەۋ جانە توعىز جاڭا فونتان سالۋ جوسپارلانعان. الماتى اكىمى باۋىرجان بايبەك بۇرىندارى قالانىڭ تاريحي ورتالىعىن جاڭارتۋ بارىسىندا ەسكەرۋسىز قالعان فونتانداردى قالپىنا كەلتىرۋ بويىنشا تاپسىرما بەرگەن ەدى.

ۇلتتىق كىتاپحانا، «جەتىسۋ» ءقوناقۇيى، ابىلاي حان مەن شيەۆچەنكو كوشەلەرىنىڭ قيىلىسىنداعى جانە باسقا دا جەرلەردەگى بۇرىننان بار سۋبۇرقاقتاردى قايتا جاساۋ جوسپارلانعان. جاڭا فونتاندار اباي، نازاربايەۆ، ابىلاي حان داڭعىلدارى مەن گوگول، جىبەك جولى، مامەتوۆا جانە رايىمبەك كوشەلەرىنىڭ اراسىنا سالىنادى.

باسسەين ىدىسى سياقتى ءداسۇرلى فونتاندارمەن قاتار «قۇرعاق سۋبۇرقاقتار» دا ىسكە قوسىلۋدا، مۇندا اينالمالى سۋ جۇيەسى، سۋدىڭ بيىكتىگى ەسكەرىلگەن. ءتۇرلى پروجەكتورلار ارقىلى گالوگەندى جانە جۇزگىش شىراق سىندى جارىق كوزدەرى ورناتىلادى.

ايتا كەتەرلىگى، بۇرىن قايتا جاڭارعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنا قوسا بيىلعى جىلى مەگاپوليستىڭ ءبىرقاتار داڭعىلدارى دا جاڭارادى.

ورتالىقتاندىرۋ قاعيداسى بويىنشا قالانىڭ بارلىق اۋداندارىندا اباتتاندىرۋ جۇمىستارى جۇرۋدە. ەگەر وتكەن جىلى 455 اۋلا جاڭارسا، 2018 جىلى قوسىمشا 585 اۋلا مودەرنيزاسيالانادى.

جالپى، سوڭعى جىلدارى مەگاپوليستە 180 كم جول جانە 700 كم ينجەنەرلىك جەلىلەر سالىنىپ، جوندەلدى، ءبىرقاتار جولايرىقتارىنىڭ قۇرىلىستارى جۇرۋدە، ماگيسترالدى كوشەلەر ۇڭگىلەنۋدە. بيىلعى جىلى ۇزىندىعى 155 كم بولاتىن 157 كوشە مەن 30 شاقىرىمنان اساتىن جۇرگىنشى تروتۋارلارىن جوندەۋ جوسپارلانعان.