«Almaty Arena» مۇز كەشەنىندە «Almaty Arena Cup» حوككەيى بويىنشا بالالار ءتۋرنيرى ءوتتى، وعان استانادان، الماتىدان، وسكەمەننەن، شىمكەنتتەن، بىشكەكتەن جانە باسقالارىنان كوماندالار قاتىستى.

استانادان كەلگەن كوماندا جەڭىمپاز اتاندى. ەكىنشى ورىن وسكەمەننىڭ «تورپەدو» كومانداسىنا بۇيىردى. قۇمەتتى ءۇشىنشى ورىندى «الماتى» كومانداسىنىڭ ويىنشىلارى جەڭىپ الدى.

قالا سپورت باسقارماسى باسشىسىنىڭ ورىنباسارى رۇستەم بايسەيتوۆ قازىرگى كەزدە قالادا شايبالى حوككەيدەن بىرنەشە بالالار مەن جاسوسپىرىمدەر كلۋبتارىنىڭ وينايتىندىعىن ايتتى. كەزىندە بالالاردىڭ «الماتى» حوككەي كلۋبى ەكى رەت حالىقارالىق جارىستاردىڭ جەڭىپمازى بولدى.

«ۋنيۆەرسيادانىڭ ارقاسىندا بىزدە «Almaty Arena» جانە «Halyk Arena» سىندى تاماشا سپورت كەشەندەرى پايدا بولدى، بۇلاردا قازىرگى كەزدە 10 حوككەي كلۋبتارى جاتتىعۋدا. ءبىز الماتىلىق بالالاردى وزىمىزگە شاقىرامىز. ترياتلون، مانەرلەپ سىرعاناۋ، كەرلينگ، شورت-ترەك، شاحمات، كاراتە، قازاق كۇرەسى، ءجۇزۋ سەكسيالارى اشىلدى. بۇلاردان وزگە، اعىلشىن ءتىلى كلۋبى، دومبىرا، كلاسسيكالىق بوكس، بي، كوركەم گيمناستيكا جانە باسقا ۇيىرمەلەر جۇمىس ىستەيدى. وقۋشىلار مەن ستۋدەنتتەر ءۇشىن 50%-دىق جەڭىلدىك بار»، - دەدى رۇستەم بايسەيتوۆ.

بۇگىنگى كۇنى مەگاپوليستە «سپورتتىق الماتى» جانە «سپورت مەنىڭ اۋلامدا» باعدارلامالارى كەڭ قانات جايۋدا، 500-دەن استام سپورت الاڭدارى اباتتاندىرىلدى. «تۋعان جەر» باعدارلاماسى اياسىندا الاتاۋ اۋدانىندا جەڭىل اتلەتيكالىق ستاديون ىسكە قوسىلدى، جەڭىل اتلەتيكالىق مانەج سالىنۋدا.