ساۋدانى زاماناۋي فورماتقا كوشىرۋ جانە سالىق ءتۇسىمىنىڭ اشىقتىعىن قامتاماسىز ەتۋ ماقساتىندا مەگاپوليستىڭ بارلىق بازارلارى جاڭاراتىن بولادى.

بۇگىنگى كۇنى ەلىمىزدىڭ ەڭ ءىرى قالاسىندا 57 بازار جۇمىس ىستەيدى. سوڭعى بەس جىل ىشىندە قالا باسشىلىعى «قىزىل جيەككە» ورنالاسقان، سانيتارلىق نورمالار مەن مەگاپوليستىڭ ارحيتەكتۋرالىق كەلبەتىنە ساي كەلمەيتىن 20-دان استام بازاردى جويدى. قازىرگى كەزدە ولاردىڭ ورنىنا جۇرگىنشى ايماقتارى، قوعامدىق كولىك ءۇشىن كەڭەيتىلگەن جولدار، جەر ءۇستى وتپەلى جولدار پايدا بولدى.

دەگەنمەن، قالادا ءالى دە بولسا ساۋدانىڭ كىشىگىرم تالاپتارىنا جاۋاپ بەرمەيتىن بازارلار بار، ال كاسىپكەرلەر كونتەينەرلەر مەن دۇڭگىرشىكتەردە جۇمىس جاساۋدا. قالانى ودان ءارى دامىتۋ ءۇشىن مۇنداي بازارلار الىنۋى ءتيىس. جۋىردا عانا «كار سيتي» ساۋدا ورتالىعى الدىنداعى 100-دەن استام ساۋدا مەن قوعامدىق تاماقتانۋ نۇكتەلەرى جويىلدى. «راحات» بازارى ماڭىن جالعا بەرۋ مەرزىمى اياقتالىسىمەن ونىڭ اينالاسىنا قالالىقتار ءۇشىن اللەيا جاساۋ جوسپارلانعان.

«قازىرگى كەزدە 16 بازاردى جاڭارتۋ جۇمىستارى جۇزەگە استى، ولاردىڭ مەنشىك يەلەرى 16 ميلليردتان استام ينۆەستيسيا ءبولدى. جىل اياعىنا دەيىن تاعى دا التى بازار رەكونسترۋكسيالانادى. بەسەۋى مودەرنيزاسيالانۋدا جانە جاڭارتۋ جۇمىستارى كەلەر جىلى اياقتالادى»، - دەپ حابارلايدى الماتى اكىمدىگىنىڭ باسپا ءسوز قىزمەتى.

قالا باسشىلىعى بازارلاردى مودەرنيزاسيالاۋدىڭ ءبىرقاتار ناقتىلى شارتتارىن بەلگىلەدى، ياعني ولاردا ستاسيونارلىق نىسان مىندەتتى تۇردە سالىنۋى، وبكتىلەردىڭ بارلىعى سانيتارلىق -ەپيدەميولوگيالىق نورمالارعا، ءورت قاۋىپسىزدىگى تالاپتارىنا ساي جانە كولىك تۇراعىنىڭ بولۋى، ەلىمىزدىڭ سالىق زاڭدىلىعى قاتاڭ ساقتالۋى ءتيىس، سونىمەن قاتار كاسىپكەرلەر تىركەۋدەن ءوتىپ، POS-تەرمينالدار مەن كاسسالىق اپپاراتتاردىڭ بولعانى ءجون.

بازارلاردى مودەرنيزاسيالاۋ ءقازىردىڭ وزىندە ءتيىمدى بولۋدا. سوڭعى جىلدا كوتەرمە-بولشەك ساۋدا اينالىمى قالادا 3،4%-عا ارتىپ، 12،8 ترلن. تەڭگەنى قۇرادى. بۇعان ساۋدا الاڭىن مەن ساۋدا ورىندارىنىڭ سانىن ۇلعايتۋ جانە كاسىپكەرلەر جۇمىسىنىڭ اشىقتىعىن قامتاماسىز ەتۋ ارقاسىندا قولجەتتى.

ايتا كەتەرلىگى، الماتىدا بيىلعى جىلى قولايلى قالا كەڭىستىگىن جاساۋ ماقساتىندا بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنان وزگە مەگاپوليستىڭ ءبىرقاتار نەگىزگى داڭعىلدارى جاڭارادى. ورتالىقتاندىرۋ قاعيداسى بويىنشا قالانىڭ بارلىق اۋداندارىندا 600 اۋلا قايتا جاسالىپ، ۇزىندىعى 155 كم بولاتىن 157 كوشە جوندەلەدى جانە 30 شاقىرىمنان اساتىن جۇرگىنشى تروتۋارلارى سالىنادى.