جۇمىس ساپارى بارىسىندا الماتى اكىمى باۋىرجان بايبەك ءۇش جاڭا كولىك جولايرىقتارىنىڭ قۇرىلىسىن تەكسەردى جانە اباي مەن نازاربايەۆ داڭعىلدارىن ودان ءارى ۇڭگىلەۋ جۇمىستارىمەن تانىستى.

مەگاپوليس باسشىسى قالا ينفراقۇرىلىمىن دامىتۋدا كەشەندى ءادىستىڭ ماڭىزدى ەكەنىن اتاپ ءوتتى. ەگەر ورتالىقتا كوشەلەر جۇرگىنشىلەر قالاۋىنا ساي قايتا جاڭارسا، ال قالا اينالاسىندا كولىك قوزعالىسىنىڭ لەگى ءۇشىن قاجەتتى جاعدايدى جاساعان ءجون.

نازاربايەۆ داڭعىلىن جانسۇگىروۆ كوشەسىنە دەيىن ۇڭگىلەۋ «سولتۇستىك - وڭتۇستىك» باعىتىندا سەيفۋللين داڭعىلى بويىنشا كولىك جۇكتەمەسىن ەداۋىر ازايتادى. قازىرگى كەزدە مۇندا ەستاكادا قابىرعالارىن مونتاجداۋ جانە نىساننىڭ تىرەكتەرىن جاساۋ جۇمىستارى جۇرۋدە. وسى ۋچاسكەدە كولىك قوزعالىسىن بەلگىلەنگەن مەرزىمنەن ەكى اي بۇرىن، ياعني قازان ايىندا اشۋ جوسپارلانعان.

ءوز كەزەگىندە سەيفۋللين داڭعىلى مەن جانسۇگىروۆ كوشەسى بويىنا جولايرىعىن سالۋ كولىك قوزعالىسى لەگىن 20%-عا ارتتىرادى. قۇرىلىستى اياقتاۋ 2019 جىلدىڭ ءتورتىنشى توقسانىنا جوسپارلانعان.

رىسقۇلوۆ داڭعىلى مەن قۇلجا تراكتىسىنىڭ قيىلىسىندا دا جاڭا جولايرىعى سالىنۋدا، بۇل سولتۇستىك-شىعىس باعىتتاعى كىشى كولىك اينالىمىنىڭ كولىك وتكىزۋ قابىلەتىن ارتتىرادى. قازىرگى كەزدە مۇندا ەستاكادا تىرەۋىنىڭ استىنا ءوندىرىس قوندىرعىلارى ورناتىلۋدا جانە ينجەنەرلىك جەلىلەر قايتا اۋىستىرىلۋدا. رىسقۇلوۆ داڭعىلى مەن ەمسوۆ كوشەسى بويىنا دا جاڭا جولايرىعى بوي كوتەرۋدە.

ناۋرىزباي اۋدانىن ورتالىقپەن قوسۋ ءۇشىن شالياپين جانە جاندوسوۆ كوشەلەرىنە باسىمدىلىق بەرىلۋدە، اباي داڭعىلىن مومىش ۇلى كوشەسىنەن قالا شەكراسىنا دەيىن ۇڭگىلەۋ جالعاسۋدا.

ايتا كەتەرلىگى، بيىلعى جىلى مەگاپوليستە بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا،تولەبايەۆ كوشەلەرى مەن «استانا» الاڭىنان وزگە مەگاپوليستىڭ ءبىرقاتار نەگىزگى داڭعىلدارى جاڭارادى. قالانىڭ بارلىق اۋداندارىندا 150-دەن استام كوشە جوندەلىپ، 600 اۋلا قايتا جاڭارادى.