الماتى اكىمى باۋىرجان بايبەك جۇمىس ساپارى كەزىندە تولە بي كوشەسى بويىمەن ءجۇرىپ ءوتىپ، «سايران» اۆتوۆوكزالىن رەكونسترۋكسيالاۋ مەن «تاستاق» بازارىن قايتا جاساۋدىڭ بارىسىن تەكسەردى.

«سايران» اۆتوۆوكزالىنىڭ مەنشىك يەسى قالا باسشىسىنا نىسان اينالاسىن ودان ءارى دامىتۋدىڭ الدىن - الا جاسالعان كونسەپسياسىن كورسەتتى. اۆتوۆوكزالدىڭ كولىك لوگيستيكاسىن تۇگەل جاڭارتۋ جانە ۆوكزال جانىن فونتان، كافە، جاسىل جەلەكتەر جانە بالالار االڭى ارقىلى اباتتاندىرۋ جوسپارلانعان.

مەگاپوليس باسشىسى اۆتوۆوكزال ماڭى كوپىشىلىكتى وزىنە تارتاتىن شاعىن اۋدان بولۋى ءتيىس ەكەندىگىن اتاپ ءوتتى. مۇندا ءقازىردىڭ وزىندە زاڭسىز سالىنعان قۇرىلىستار الىنىپ، نىسان سىرتى جاڭارۋدا.

«سايراندى» تەز ارادا قايتا جاساپ، ونىڭ اينالاسىن اباتتاندىرۋ قاجەت. اۆتوۆوكزال جولاۋشىلارى عانا ەمەس، سونىمەن قاتار جاقىن ماڭداعى ۇيلەردىڭ تۇرعىندارى ءبىزدىڭ بۇل جەردى قاشان رەتكە كەلتىرەتىنىمىزدى اسىعا كۇتۋدە»، - دەدى باۋىرجان بايبەك.

جۇمىس ساپارى كەزىندە قالا اكىمى تولە بي كوشەسى بويىمەن ءجۇرىپ ءوتىپ، «تاستاق» ۋنيۆەرسالدى بازارىن قايتا جاڭارتۋ بارىسىن قاراپ شىقتى.

ساۋدانى زاماناۋي فورماتقا كوشىرۋ ماقساتىندا بازار يەلەرى 450 ملن. تەڭگە ينۆەستيسيا بولگەن. ەكى قاباتتى، جالپى الاڭى 4،2 مىڭ اشرشى مەتر بولاتىن نىسان سالىندى، شىلدە ايىندا وعان كاسىپكەرلەردىڭ باسىم كوپشىلىگى كوشىرىلەدى. وسىدان كەيىن بازاردىڭ ەكىنشى كەزەگى رەكونسترۋكسيالانادى.

ءدال وسى كۇنى باۋىرجان بايبەك اباي داڭعىلى بويىندا سالىنىپ جاتقان «الماتىباسجوسپار» نىسانىنىڭ قۇرىلىسىمەن جانە رەسپۋبليكا الاڭىن رەكونسترۋكسيالاۋمەن تانىستى.

ايتا كەتەرلىگى، الماتىدا بيىلعى جازدا بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنان وزگە قالانىڭ ءبىرقاتار نەگىزگى داڭعىلدارى جاڭارادى. مەگاپوليستىڭ بارلىق اۋداندارىندا 150-دەن استام كوشەنى جوندەۋ مەن 600 اۋلانى قايتا جاساۋ جوسپارلانعان.