قازاقستاننىڭ ىسكەرلىك ىنتىماقتاستىق ورتالىعى «اتاكەنتتەگى» جەر ۋچاسكەسى 54،1 گەكتاردى قۇرايدى. ونىڭ 31 گەكتارى جەكە مەنشىكتە، ال 17 گەكتارىندا ءتۇرلى ساۋدا، مەيمانحانا جانە سپورت كەشەندەرى ورنالاسقان.

قازىرگى كەزدە الماتى اكىمدىگى بارلىق قۇقىقتىق قۇجاتتاردى تەكسەرۋدە. يگەرىلمەگەن 14 گەكتار جەرگە شەكتەۋ قويىلعان.

دەگەنمەن،ماقساتتى نەگىزدە سالىنعان كورمە پاۆيلوندارى نەمەسە وزگە دە نىسانداردى ءسۇرۋ جوسپاردا جوق.

ەسكە سالساق، اتقارۋشى كومپانيانىڭ قازاقستاننىڭ ىسكەرلىك ىنتىماقتاستىق ورتالىعى «اتاكەنتتىڭ» اينالاسىن دامىتۋ تۋرالى وزدەرىنە العان مىندەتتەمەلەرىن ورىنداماۋى سالدارىنان الماتى اكىمى باۋىرجان بايبەك جالعا بەرۋ كەلىسىمىن توقتاتۋ جانە قوعامدىق كەڭىستىك جەرىن قالانىڭ كوممۋنالدىق مەنشىگىنە قايتارۋ تۋرالى ماسەلەنى ازىرلەۋدى تاپسىردى.