جەڭىس كۇنى قارساڭىندا الماتى اكىمى باۋىرجان بايبەك قالانىڭ ارداگەرلەر كەڭەسىنىڭ وكىلدەرىمەن كەزدەستى. كەزدەسۋ بارىسىندا ارداگەرلەر مەن قارت ادامدارعا الەۋمەتتىك قولداۋ كورسەتۋدىڭ ءبىرقاتار ماڭىزدى ماسەلەلەرى تالقىلاندى.

بۇگىنگى كۇنى الماتىدا 222 مىڭ زەينەتكەرلەر تۇرادى نەمەسە ولار قالانىڭ بارلىق تۇرعىندارىنىڭ 12،5%-ىن قۇرايدى. ەگدە جاستاعىلاردى مەگاپوليستىڭ بەلسەندى ومىرىنە تارتۋ جانە اعا ۇرپاققا قولداۋ كورسەتۋ ماقساتىندا قالا باسشىلىعى «بەلسەندى ۇزاق ءومىر» جوباسىن جاساعان ەدى.

«كوممۋنالدى جانە كوممەرسيالىق مەنشىكتە بيىلعى جىلى قالانىڭ بارلىق اۋداندارىندا 40-تان استام الەۋمەتتىك كلۋبتار اشۋ جوسپارلانعان. جازعا قاراي بەلسەندى ءومىر ورتالىعى سالىنادى، مۇندا قالانىڭ ەگدە جاستاعى تۇرعىندارى كىتاپحاناعا، فيتنەس- زالدارعا بارىپ، ەمدىك يوگامەن اينالىسادى، شاحمات،توعىزقۇمالاق، دومينو زالدارى جۇمىس ىستەيدى»، -دەپ حابارلايدى اكىمدىكتىڭ باسپا ءسوز قىزمەتى.

جوبا اياسىندا تۇراقتى نەگىزدە كومپيۋتەرلىك اعارتۋ، اعىلشىن ءتىلى، موتيۆاسيالىق سەمينارلار جانە شەبەرلىك سىنىپتارى ۇيىمداستىرىلادى. زاڭ، پسيحولوگيالىق، مەديسينالىق كەڭەستەر تەگىن كورسەتىلەدى.ءبىرىڭعاي Call-center قۇرىلادى، ونىڭ نەگىزىندە سەنىم قىزمەتى جۇمىس ىستەپ، الەۋمەتتىك قىزمەتتەر مەن نىساندار تۋرالى اقپاراتتار الۋعا بولادى.

زەينەتكەرلەردى بەلسەندى ومىرگە تارتۋ ءۇشىن 100-دەن اسا مادەني، سپورتتىق جانە زياتكەرلىك شارالار، سونىمەن قاتار بوس ورىنداردىڭ ارنايى جارمەڭكەسى وتەدى.

جەڭىس كۇنىن مەرەكەلەۋ اياسىندا اۋدان اكىمدىكتەرى مەديسينالىق مەكەمەلەردە اشىق ەسىك كۇندەرىن،تاقىرىپتىق كونسەرتتەر وتكىزىپ،كينوفيلمدەر كورسەتەدى، كەزدەسۋلەر ۇيىمداستىرىپ، ارداگەرلەردى ۇيلەرىنە بارىپ قۇتتىقتايدى.

«بيىلعى جىلى ۇلى وتان سوعىسى ارداگەرلەرىنە كورسەتىلەتىن بىررەتتىك الەۋمەتتىك كومەك ءماسليحاتتىڭ شەشىمىمەن 150 دەن 250 مىڭ تەڭگەگە، ولارعا تەڭەلگەندەرگە 30 دان 50 مىڭ تەڭگەگە كوبەيگەن. ۇوس ارداگەرلەرىنە كوممۋنالدىق قىزمەت تولەمى ءۇشىن اي سايىن كورسەتىلەتىن كومەك 5،5 تەن 6،5 –گە دەيىنگى اەك وسكەن»، - دەدى اكىمدىكتە.