الماتى اكىمى باۋىرجان بايبەك وزبەكستان رەسپۋبليكاسىنىڭ توتەنشە جانە وكىلەتتى ەلشىسى سايديكرام نيازحودجايەۆپەن كەزدەستى. تاراپتار ساۋدا – ەكونوميكالىق، مادەني-گۋمانيتارلىق بايلانىستار، سونىمەن قاتار تۋريزم سالاسىندا تاجىربيە الماسۋ ماسەلەللەرىن تالقىلادى.

مەگاپوليس باسشىسى الماتى مەن وزبەكستان اراسىنداعى تاۋار اينالىمىنىڭ وڭ ديناميكاسىن اتاپ ءوتتى، 2017 جىلى بۇرناعى جىلمەن سالىستىرعاندا 16،7%-عا ارتىپ، 276،4 ملن. اقش دوللارىن قۇراعان. قازىرگى كەزدە قالادا وزبەكستان كاپيتالىمەن 530 كاسىپورىن جۇمىس ىستەيدى.

ءوز كەزەگىندە كورشى مەملەكەتتىڭ ەلشىسى اتالعان سيفرلاردىڭ ەكى ەل اراسىنداعى سەنىم مەن ىسكەرلىك قاتىناستىڭ جوعارى دەڭگەيىن كورسەتەتىنىن اتاپ ءوتتى.

«الماتى – بيزنەستىڭ قالاسى، يننوۆاسيا وسى جەردەن بۇكىل ەلگە تارايدى. ءبىزدىڭ كاسىپكەرلەرىمىز مەگاپوليستەگى جوبالارعا ۇلكەن قىزىعۋشىلىق بىلدىرۋدە. قازاقستاندا 2018 جىلى وزبەكستان جىلى دەپ جاريالانعان، بۇل تەك مادەني الماسۋ عانا ەمەس، ەكونوميكالىق بايلانىستاردىڭ ودان ءارى نىعايۋىنا دا ىقپال ەتەدى»، - دەدى سايديكرام نيازحودجايەۆ.

ەسكە سالساق، 2017 جىلى ناۋرىز ايىندا وزبەكستەن رەسپۋبليكاسىنىڭ پرەزيدەنتى شاۆكاي ميرزەيەۆتىڭ قازاقستانعا العاشقى ساپارى اياسىندا ناۋرىز مەرەكەسىنىڭ قارساڭىندا جاڭا تۇرپاتتاعى كەڭ كۋزوۆتى «تۇلپار-تالگو» ۆاگوندارىنان تۇراتىن № 1/2 «الماتى-تاشكەنت» جۇردەك پويىزىنىڭ جولعا شىققان بولاتىن.

ال، بيىل 12 ساۋىردەن باستاپ تاشكەنت پەن الماتى اراسىندا حالىقارالىق جولاۋشىلار اۆتوبۋسى قاتىناي باستادى.

الماتى اكىمى باۋىرجان بايبەكتىڭ وزبەكستان تارابىمەن قاتىناسىنىڭ باسى بۇل ەمەس. الماتى مەن تاشكەنت ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋ ماسەلەلەرىن 2016 جىلى الماتى اكىمى باۋىرجان بايبەك تاشكەنت قالاسىنىڭ حاكىمى راحمونبەك ۋسمانوۆپەن كەزدەسۋىندە دە تالقىلاعان.