الماتى اكىمى باۋىرجان بايبەك يتاليا رەسپۋبليكاسىنىڭ توتەنشە جانە وكىلەتتى ەلشىسى پاسكۋالە د’اۆينومەن كەزدەستى. تاراپتار ساۋدا –ەكونوميكالىق، مادەني-گۋمانيتارلىق بايلانىستار، سونىمەن قاتار تۋريزم سالاسىندا تاجىربيە الماسۋ ماسەلەللەرىن تالقىلادى.

كەزدەسۋ بارىسىندا باۋىرجان بايبەك يتاليانىڭ ەۆروپا وداعى ەلدەرى اراسىندا قازاقستاننىڭ العاشقى ساۋدا سەرىكتەسى بولعانىن اتاپ ءوتتى. ەكى ەل اراسىندا ورنىققان ديپلوماتيالىق قاتىناستاردىڭ 35 جىلى ىشىندە بارلىق سپەكترلەر باعىتتتارى بويىنشا سەرىكتەستىك بايلانىس قالىپتاستى.

پاسكۋالە د’اۆينو ءوزىنىڭ سوزىندە ەكىجاقتى بايلانىستا تۋريزم سالاسىنىڭ الەۋەتى جوعارى ەكەنىن ايتتى.

«ءبىزدىڭ تۋريستەرىمىز ورتا ازياعا قىزىعادى. الماتىدا بارلىق ينفراقۇرىلىم بار ءارى سەرۆيس تە جوعارى، ءوڭىردى زەرتتەۋدى ءدال وسى جەردەن باستاۋ قاجەت»، - دەپ اتاپ ءوتتى يتاليا ەلشىسى.

قازىرگى كەزدە قالادا قۇرىلىس، ءىت، فراماسيەۆتيكا جانە باسقا سالالاردا يتالياندىق كاپيتالدىڭ قاتىسۋىمەن 70 كاسىپورىن جۇمىس ىستەيدى. بيىلعى جىلى الماتىدا MACPRESSE Europa S.R.L. كومپانياسىنىڭ تەحنولوگياسى بويىنشا قوقىس سۇرىپتايتىن كەشەندى ىسكە قوسۋ جوسپارلانعان.

سوڭعى جىلى الماتى مەن يتاليا اراسىنداعى تاۋار اينالىمى 5،3%-عا ءوسىپ، 302،2 ملن. اقش دوللارىن قۇرادى.

الماتى قالاسى مەن يتاليا مەملەكەتىنىڭ اراسىنداعى ارىپتەستىك جوعارى دەڭگەيگە داۋگە بولادى. قازىرگى تاڭدا الىپ شاھاردا 69 بىرىككەن جانە 57 يتالياندىق كاپيتالدى ارقالاعان كاسىپورىندار تىركەلگەن. 

جالپى، العاندا قازاقستان مەن يتاليا اراسىنداعى ەكونوميكالىق ىنتىماقتاستىق تا قارقىندىلىعىمەن ەرەكشەلەنەدى. بۇل رەتتە يتاليا قازاقستاننىڭ ساۋدا ارىپتەسى رەتىندەگى قىتايدان كەيىنگى ەكىنشى مەملەكەت.

25 جىلدا يتاليا رەسپۋبليكاسى ەلىمىز ءۇشىن باستى ينۆەستورلاردىڭ بىرىنە اينالدى جانە ىنتىماقتاستىقتى جالعاستىرۋعا مۇددەلى. يتاليالىقتار قازاقستانمەن جاڭا سالا – جاسىل تەحنولوگيالار سالاسىندا ىنتىماقتاستىق ورناتۋ ءۇشىن استانادا "ەكسپو-2017" كورمەسىنە قاتىسۋ مۇمكىندىگىن پايدالاندى.

يتاليا قازاقستانمەن ىنتىماقتاستىق ورناتۋعا مۇددەلى. يتاليالىق بيزنەس قازاقستاندى تۇراقتىلىعى ءۇشىن باعالايدى جانە ەلىمىزدى پەرسپەكتيۆالى دەپ ەسەپتەيدى. يتاليادا ءبىزدىڭ ەلىمىز تۋرالى بولاشاعى زور مەملەكەت دەپ ايتادى.

قازاقستان مەن يتاليا اراسىنداعى ساۋدا اينالىمى 2016 جىلى 11 ميلليارد دوللاردى قۇراسا، 2017 جىلى 10 ميلليارد دوللاردى قۇراعان.