الماتى قالاسىنىڭ ەنەرگەتيكا جانە كوممۋنالدى شارۋشىلىق باسقارماسىنىڭ جاڭا باسشىسى بولىپ بۇرىندارى جولاۋشىلار كولىگى جانە اۆتوموبيل جولدارى باسقارماسىن باسقارعان ماقسۇت يساحوۆ تاعايىندالدى.

مەگاپوليستە سوڭعى جىلدارى 800 كم ينجەنەرلىك جۇيەلەر سالىندى جانە جوندەلدى، سونىڭ ىشىندە 313 كم سۋ قۇبىرى، 266 كم كارىز قۇبىرى، 150 كم ەلەكتر بەرۋ جەلىسى جانە 32،3 كم جىلۋ جەلىسى.

الماتى اكىمى جاڭا باسشى الدىنا قالانىڭ ينجەنەرلىك جەلىلەرىن الداعى ۋاقىتتا جوندەۋ بويىنشا ءبىرقاتار ناقتىلى مىندەتتەر قويدى. ەڭ الدىمەن، قازىلعان جولداردى دەر كەزىندە ءارى ساپالى قالپىنا كەلتىرۋگە ايرىقشا نازار اۋدارۋ قاجەت. جوندەۋ جۇمىستارىنا قارماستان قالا تۇرعىندارىن ىستىق سۋمەن ۇزدىكسىز قامتاماسىز ەتىپ، ۋاقىتشى سىزبانى ۇيىمداستىرعان ءجون.

باۋىرجان بايبەك بۇرىن جوندەۋدەن وتكەن ۋچاسكەلەردى تەكسەرىپ شىعۋدى، ولاردى قالپىنا كەلتىرۋدى كەپىلدىك مىندەتتەمە اياسىندا مەردىگەرلەردىڭ جۇزەگە اسىرۋى ءتيىس ەكەنىن تاپسىردى.

ەنەرگەتيكا جانە كوممۋنالدى شارۋاشىلىق باسقارماسىنا كوشە جارىعىن سالۋ جانە جوندەۋ جۇمىستارىن ودان ءارى جالعاستىرۋ، سونىمەن قاتار ۆەدومستۆولىق باعىنىشتى «التس»، «الماتى سۋ»، «الماتى جىلۋكوممۋنەنەرگو» جانە باسقا كاسىپورىنداردىڭ جۇمىس تيىمدىلىگىن ارتتىرۋ تاپسىرىلدى.

بۇرىندارى الماتى اكىمى قالانىڭ ينجەنەرلىك جەلىلەرىن جوندەۋ جانە 12 كم جىلۋ جۇيەسىن مودەرنيزاسيالاۋ بويىنشا كەڭەيتىلگەن كەڭەس وتكىزگەن بولاتىن.كوپ وبەكتىلەردە جوندەۋ جۇمىستارىن شىلدەنىڭ سوڭىندا اياقتاۋ جوسپارلانعان. بارىنشا كۇردەلى جانە ۇزىن ۋچاسكەلەر تامىز ايىندا ىسكە قوسىلادى. جۇمىس بارىسىندا جوندەلگەن ماڭاي تولىق ابتتاندىرىلادى.

ءار ۋچاسكە بويىنشا ناقتىلى جۇمىس كەستەسى جاسالعان، تەحنيكا مەن جۇمىسشىلار سانى بەلگىلەنگەن. بارلىق وبەكتىلەردە مەردىگەرلىك ۇيىم تۋرالى اقپارات جازىلعان پاسپورت ورناتىلىپ، ءتيىستى جول بەلگىلەرى، قورشاۋلار جانە جۇرگىنشىلەر ءۇشىن وتپەلى جولدار بولادى.