مەرەكەلىك سەرۋەن رەسپۋبليكا سارايى الدىندا جانە قايتا جاڭارعان پانفيلوۆ پەن جىبەك جولى كوشەلەرى بويىندا وتۋدە، مۇندا قالا تۇرعىندارى مەن قوناقتارى ءۇشىن قازاق ەستراداسى جۇلدىزدارى مەن مەگاپوليستىڭ ەتنومادەني بىرلەستىكتەرى ۇجىمدارىنىڭ قاتىسۋىمەن مازمۇندى مۋزىكالىق باعدارلاما دايىندالعان.
الماتى اكىمى باۋىرجان بايبەك ءوزىنىڭ قۇتتىقتاۋ سوزىندە مەملەكەت باسشىسىنىڭ سىندارلى ساياساتى ارقاسىندا الەمدە مويىندالعان بەيبىتشىلىك پەن كەلىسىمنىڭ مودەلى جاسالعانىن،ونىڭ نەگىزگى كونسوليداسياسى ازاماتتىق قاعيدا ەكەنىن اتاپ ءوتتى. كەزىندە ەلباسىنىڭ باستاماسى بويىنشا قۇرىلعان قازاقستان حالىقتارىنىڭ اسسامبلەياسى «بەيبىتشىلىك پەن كەلىسىمنىڭ شىنايى شىراعىنا» اينالدى.
«قازاقستان حالىقتارىنىڭ بىرلىگى كۇنى ۇلى دالانىڭ كوپ عاسىرلىق ءداستۇرلى رۋحى – اشىقتىقتى، مەيىرىمدى، تولەنرانتتىقتى، قوناقجايلىلىقتى پاش ەتەدى. وسىناۋ داستۇرلەر عاسىرلار بويىنا ءبىزدىڭ مەگاپوليستىڭ قايتالانباس رۋحىن قالىپتاستىردى، ايرىقشا سيپاتقا بولەدى. مىنە، مىڭ جىلدان بەرى الماتى ءتۇرلى مادەنيەتتىڭ، ءدىننىڭ، ءتىلدىڭ ءوزارا ۇندەسكەن قاسيەتتى مەكەنىنە اينالدى. سوندىقتان الماتىنى مىڭ بوياۋلى قالا دەپ تەككە ايتپاسا كەرەك. ءتۇرلى ۇلت پەن ءدىن وكىلدەرىنەن قۇرالعان الماتىلىقتار بۇگىنگى كۇنى بىرگە ءومىر سۇرۋدە، ەڭبەك ەتۋدە جانە ءار مەرەكەنى بىرگە اتاپ وتۋدە. ءبىز وسىناۋ باعا جەتپەس بايلىقتى ساقتاۋعا جانە ودان ءارى دامىتۋعا ءتيىسپىز»، - دەدى باۋىرجان بايبەك.
ول تەك اشىق، مەيىرىمدى ءارى باۋىرمال قالا عانا ينۆەستيسيا، يننوۆاسيا مەن ادامي كاپيتال ءۇشىن باسەكەلەستىك ورنىققان زاماناۋي جاھاندىق الەمدە تابىسقا جەتەتىنىن اتاپ ءوتتى.
«قالا كەڭىستىگىنە زاماناۋي ستاندارتتاردى ەنگىزە وتىرىپ، ءبىز الماتىنى الەمنىڭ ۇزدىك مەگاپوليسى، دامىعان تۋريستىك ورتالىققا انيالدىراتىن بولامىز. وزگەرگەن ورتا ادامداردى دا جاڭعىرتىپ، ولاردىڭ دۇنيەتانىمىن اشىق جانە مەيىرىمدى ەتەتدى. بۇل تۋرالى پرەزيدەنت «رۋحاني جاڭعىرۋ» باعدارلاماسىندا ايتتى. ءبىزدىڭ قالانىڭ الەۋەتى وتە زور، دەگەنمەن الماتىنىڭ باستى بايلىعى – قالا تۇرعىندارى، ولار ءار ءتۇرلى بولعانىمەن رۋحى جاعىنان ءوزارا جاقىن»، - دەدى مەگاپوليس باسشىسى.
قازاقستان حالىقتارىنىڭ بىرلىگى كۇنى اياسىندا مەرەكەلىك باعدارلاماعا 500-دەن استام ارتيستەر قاتىستى، ولاردىڭ اراسىندا روزا رىمبايەۆا، ديانا شاراپوۆا، ءالي وقاپوۆ، رومان كيم، Luina، يانيس كايسيدي، ادىلجان ۋماروۆ، «سارىن» دۋەتى، «دەرۆيشي»، «مۋزارت»، «Assyl»، «Vox Acapella» توپتارى، «Vivat»، «Rise»، «Ivory» شوۋ- بالەتتەرىنىڭ وكىلدەرى جانە كوپتەگەن باسقالارى بار.
پانفيلوۆ جانە جىبەك جولى كوشەلەرىنىڭ بويىنداعى شاعىن ساحنالاردا ءتۇرلى كونسەرتتەر وتۋدە جانە مەگاپوليستىڭ ەتنومادەني وكىلدەرى بىرلەستىكتەرىنىڭ وزىندىك مادەنيەتى مەن داستۇرلەرى تانىستىرىلۋدا.
ساعات 19:30-دا ايقىن تولەپبەرگەن «15 جىل، سىزدەرمەن بىرگە» اتتى ءوزىنىڭ جەكە كونسەرتىن ۇسىنادى، ال 21:30- دا ساحناعا «ءان مەرەكەسى» باعدارلاماسىمەن «تۋرەسكيي حورىنىڭ» ارتيستەرى شىعادى. مەرەكە قۇرمەتىنە ۇجىممەن بىرگە ايەلدەردىڭ «SOPRANO تۋرەسكوگو» ارتتوبى ءان شىرقايدى، وسىلايشا تالانت پەن سۇلۋلىق ۇيلەسىم تابادى.
