قازاقستان حالىقتارىنىڭ بىرلىگى كۇنى قالانىڭ ءبىرقاتار الاڭدارىندا بىرمەزەتتە مەرەكەلەنەدى. مەرەكەلىك سەرۋەن رەسپۋبليكا سارايى الدىنداعى الاڭمەن شەكتەلمەيدى. العاش رەت مەرەكەلىك شارا قايتا جاڭارعان پانفيلوۆ كوشەسىنىڭ بويىندا دا وتەدى، مۇندا تاڭنان كەشكە دەيىن مەگاپوليستىڭ ەتنومادەني بىرلەستىكتەرىنىڭ ۇجىمدارى كونسەرت قويادى.
اباي الاڭىندا تاڭعى ساعات 10:00-دە ەتنومادەني بىرلەستىكتەردىڭ كورمەسى اشىلادى، وعان ۇلتتىق تۇرمىستىق زاتتار، مۋزىكا اسپاپتارى قويىلعان، ۇلتتىق كوستيۋم كورىنىستەرى جانە باسقالارى ۇسىنىلادى.
ساعات 11:00-دە قازاقستاندىق ەسترادا جۇلدىزدارىنىڭ قاتىسۋىمەن مۋزىكالىق باعدارلاما باستالادى. ساحندا كۇنى بويىنا 500-دەن استام ارتيستەر ونەر كورسەتەدى، سونىڭ ىشىندە روزا رىمبايەۆا، ديانا شاراپوۆا، ءالي وقاپوۆ، رومان كيم، Luina، يانيس كايسيدي، ادىلجان ۋماروۆ، «سارىن» دۋەتى، «دەرۆيشي»، «مۇزارت»، «Assyl»، «Vox Acapella» توپتارى، «Vivat»، «Rise»، «Ivory» شوۋ- بالەتتەرىنىڭ وكىلدەرى جانە كوپتەگەن باسقالارى.
ۇيىمداستىرۋشىلار ەرەكشە ديناميكالىق ورانجيروۆكا مەن حورەوگرافيا كوكتەمگى مەرەكەلىك كوڭىلدى كوتەرە تۇسەدى دەيدى.
«ۇلتتىق كومپوزيسيالار مەن بيلەردىڭ اشىق پاليتراسى قازاقستاندىق اۆتورلاردىڭ زاماناۋي اندەرىنە ۇلاسىپ، حالىق بىرلىگىنىڭ وزىندىك سيمۆولىنا اينالادى»، - دەدى الماتى قالاسىنىڭ مادەنيەت باسقارماسى.
ساعات 19:30-دا ايقىن تولەپبەرگەن «15 جىل، سىزدەرمەن بىرگە» اتتى ءوزىنىڭ جەكە كونسەرتىن ۇسىنادى، ال 21:30- دا ساحناعا «ءان مەرەكەسى» باعدارلاماسىمەن «تۋرەسكيي حورىنىڭ» ارتيستەرى شىعادى. مەرەكە قۇرمەتىنە ۇجىممەن بىرگە ايەلدەردىڭ «SOPRANO تۋرەسكوگو» ارتتوبى ءان شىرقايدى، وسىلايشا تالانت پەن سۇلۋلىق ۇيلەسىم تابادى.
ءوز كەزەگىندە، پانفيلوۆ كوشەسىندە كۇنى بويىنا كونسەرتتەر مەن كورمەلەر وتەدى، مۇندا قالا تۇرعىندارى مەن قوناقتارى مەگاپوليستىڭ ەتنومادەني بىرلەستىكتەرىنىڭ وزىندىك مادەنيەتىمەن جانە داستۇرلەرىمەن تانىسادى.
