الماتىنىڭ ءبىرقاتار كوشەلەرىندە ترامۆاي جولدارىن الىپ تاستاۋعا بايلانىستى كولىك قوزعالىسى ۋاقىتشا توقتاتىلادى. بۇل تۋرالى قالالىق اكىمدىكتىڭ باسپا ءسوز قىزمەتى مالىمدەدى.
«ت.جاروكوۆ كوشەسىنىڭ بويىندا ك.تيميريازيەۆ پەن وتەپوۆ كوشەلەرىنە دەيىن كولىك قوزعالىسى شەكتەلەدى. بۇل كوشەلەردە 23 مامىر مەن 15 شىلدە ارالىعىندا ترامۆاي جولدارىن دەمونتاجداۋ جۇمىسى جۇرگىزىلەدى. سونداي-اق ا.ياساۋي كوشەسىنىڭ بويى ف.شالياپين مەن قاراعاندى كوشەسىنە دەيىن 22 مامىردا ساعات 8.00-دەن 21.00-گە دەيىن جابىلادى. قابانباي باتىر كوشەسى بويىندا م.ماسانچي مەن س.سەيفۋللين داڭعىلى ارالىعى 21 مامىر تۇننەن 22 مامىر تاڭعا دەيىن قوزعالىس توقتايدى»، دەلىنگەن باسپا ءسوز حابارلاماسىندا.
