ق ر دسم اكۋشەرلىك، گينەكولوگيا جانە پەريناتولوگيا عىلىمي ورتالىعىندا جۇڭگو حالىق رەسپۋبليكاسىنىڭ الماتىداعى باس كونسۋلى چجان ۆەي مەن ورتالىق قىزمەتكەرلەرىنىڭ كەزدەسۋى ءوتتى.

اتالعان مەكەمە ديرەكتورى دينارا مىرزاحمەتوۆانىڭ ايتۋىنشا، جۇڭگو كونسۋلدىعى قۇنى 2 ميلليون تەڭگە بولاتىن 10 كومپيۋتەردى عىلىمي ورتالىققا تارتۋ ەتكەن.

«شىلدە ايىنان باستاپ قاعازباستىلىقتان قۇتىلىپ، ءبىرىڭعاي سيفرلاندىرۋ جۇيەسىنە كوشەمىز. وسى رەتتە بۇل قىتايدىڭ باس كونسۋلى اتىنان ءبىزدىڭ ورتالىققا كورسەتىلگەن ۇلكەن قايىرىمدىلىق بولىپ وتىر»، - دەدى دوڭگەلەك ۇستەل باسىندا ءسوز العان دينارا مىرزاحمەتوۆا. 

ورتالىق باسشىسى بولاشاقتا ارىپتەستىك بايلانىستى ودان ءارى نىعايتا ءتۇسۋ جوسپاردا بارىن ايتا كەتتى.

«الداعى ۋاقىتتا ءبىلىم، عىلىم سالاسىندا جۇڭگو كونسۋلدىعىمەن كەلىسىمگە كەلىپ، ەكى جاق ماماندارىن الماستىرۋ شارالارىن ويلاستىرماقپىز. ءبىزدىڭ قىزمەتكەرلەر قىتايعا بارىپ، ولار جاقتىڭ ماماندارى بىزگە كەلىپ تاجىريبە الماسىپ جاتساق، جاقسى بولار ەدى. بىر-بىرىمىزدەن ۇيرەنەرىمىز كوپ دەپ ويلايمىن»، - دەدى ق ر دسم اكۋشەرلىك، گينەكولوگيا جانە پەريناتولوگيا عىلىمي ورتالىعى ديرەكتورى دينارا مىرزاحمەتوۆا.