الماتىدا ەۋرازيالىق مەديافورۋم الاڭىندا الەمنىڭ 60 ەلىنەن 600 تارتا بەلگىلى مامان 15-جىل قاتارىنان باس قوستى، دەپ جازادى Qamshy.kz اقپارات اگەنتتىگى.

I ەۋرازيالىق مەديا فورۋم وسىدان 16 جىل بۇرىن الماتىدا تۇڭعىش رەت وتكەن بولاتىن. بۇگىن 8 جىلدان كەيىن الماتى قايتادان شەتەلدىك جانە ەلىمىزدىڭ تۇكپىر-تۇكپىرىنەن كەلگەن مەديا سالاسىنىڭ وكىلدەرىن قارسى الۋدا.

«ەۆوليۋسيانىڭ 15 جىلى: قۇبىلمالى دۇنيە جانە بىزگە وزگەرىس اكەلگەن الەم» دەگەن تاقىرىپتا ءوتىپ جاتقان ەۋرازيا مەديا فورۋمىنىڭ اشىلۋىنا ەلباسىنىڭ قۇتتىقتاۋ حاتىن اقپارات جانە كوممۋنيكاسيالار ءمينيسترى داۋرەن ابايەۆ وقىپ بەردى.

مەرەيتويلىق مەديافورۋم بارىسىندا بەلگىلى قازاقستاندىق جانە شەتەلدىك ب ا ق سالاسىنىڭ مايتالماندارى تاجىريبەلەرىمەن بولىسپەك.

الماتىدا ءوتىپ جاتقان ەۋرازيالىق مەديا فورۋم بارىسىندا ۇيىمداستىرۋ كوميتەتىنىڭ ءتورايىمى داريعا نازاربايەۆا «اشىق ينتەرنەت الاڭى تەك قانا تالانتتى جۋرناليستەرگە عانا ەسىك اشقان جوق. سونىمەن قاتار، اقپاراتتىق سوعىستىڭ كوزگە كورىنبەيتىن ساربازدارىنا دا جول اشتى. فەيكتەرمەن ترولدەر جالعان اقپارات شىعارىپ، قوعامدىق پىكىرگە ىقپال ەتە باستادى. ولاردىڭ قاسىندا تابلويدتار ابىرويلى بولىپ وتىر. عالامتوردىڭ قارقىندى دامۋى، الەۋمەتتىك جەلىلەردىڭ ءومىردىڭ اجىراماس بولىگىنە اينالعانى الەمدى تۇبەگەيلى وزگەرتتى. ديەۆايستار مەن گادجەتتەر قولجەتىمدى. بۇل كەز كەلگەن ادامنىڭ مەديپروسەسكە قاتىسۋىنا كەپىلدىك بەرىپ وتىر. بلوگەرلەر مەن جەلىلىك اۆتورلار بەدەلدى جۋرناليستەرمەن باسەكەگە ءتۇسىپ جاتىر. سونىڭ كەسىرىنەن ءىرى باسىلىمدار تيراج جوعالتۋدا»، - دەيدى.

ال، سىرتقى ىستەر ءمينيسترى قايرات ءابدىراحمانوۆ «حالىقارالىق قاتىناستاردىڭ ەۆوليۋسياسى: عالامداعى سالقىن لەپ» تاقىرىبىنداعى ەۋرازيالىقمەديا فورۋمىنىڭ ءبىرىنشى پلەنارلىق وتىرىسىندا سويلەگەن سوزىندە «زاماناۋي الەمدەگى تۋربۋلەنتتىك پەن بولجامسىزدىقتىڭ ارتۋى بۇقارالىق اقپارات قۇرالدارىنىڭ ماڭىزدىلىعىن ارتتىردى»، - دەپ مالىمدەدى.

«مەديافورۋم - اقپارات الماسۋدىڭ تەڭدەسسىز الاڭى. سىزدەر ب ا ق بەتىنەن كورىپ جۇرگەن تۇلعالاردان اقپارات الىپ، قىزىقتىرعان ماسەلەلەرىڭىز جايلى سۇراي الاسىزدار»، - دەدى كۋرد ءجۋرناليسى موحاماد احماد البرازي.

بۇگىن فورۋم الاڭىندا يۋسۋف ومار، ۇلىبريتانياداعى اسكەري جۋرناليست شاحيد تۋلياگانوۆ، «New Eastern Europe» جۋرنالىنىڭ باس رەداكتورى يۆونا رايحاردت، ساياساتكەر بارتوش رىدلينسكي، كونسۋلتانت شۋبەرت مەديا تايرا شۋبەرت، CEO Select Communication Group ءجۋرناليسى ۆيكتور ەليسەيەۆتىڭ شەبەرلىك ساباقتارى ءوتتى.

«ەامف 2018 زاماناۋي اقپاراتتىڭ نارىقتاعى اسا وزەكتى ماسەلەلەر: ءوزارا ىقپالداسۋ مۇمكىندىكتەرى، اقپاراتتىق تەحنولوگيالاردىڭ قارقىندى ءوسۋى تالقىلانادى. وسى فورۋم ناتيجەسىندە كەلۋشىلەرگە كوپ جىلدىق تاجريبەمىز بەن ءبىلىمىمىزدى، زاماناۋي سىن قاتەرلەرگە جاۋابىمىزدى پاش ەتەتىن بولامىز»، - دەدى ەۋرازيالىق مەديافورۋمنىڭ باس ديرەكتورى رۋسلان جەمكوۆ.

وسىعان دەيىن فورۋمدارعا BBC وكىلى رەتىندە قاتىسىپ جۇرگەن شاحيدا تۋلياگانوۆا اسكەري كوررەسپوندەنت رەتىندە ءقاۋىپتى ايماقتاردا دەرەكتى فيلم جاساۋ بارىسىندا جيناقتاعان تاجىريبەسىمەن ءبولىستى.

ەامف 2018 الماتىدا 3 كۇن قاتارىنان وتەدى.

ايتا كەتەتىن بولساق، وتكەن جىلى استاناداعى ەكسپو-2017ء-نىڭ كونگرەسس-ورتالىعىندا «ىمىراعا كەلۋ جولدارىن ىزدەستىرۋ» تاقىرىبىندا XIV ەۋرازيالىق مەديا-فورۋم وتكەن بولاتىن.