«نۇر وتان» پارتياسى IT-مامانداردى دايىنداۋ، ءبىلىم بەرۋ سالاسىن جەتىلدىرە ءتۇسۋ ماقساتىندا جاڭا جوبالار باستاعان. اتالعان جوبا اياسىندا الداعى ءۇش جىلدا ەلىمىزدە جۇمىس بەرۋشى ىت-كومپانيالار مەن ءىرى جوعارى وقۋ ورىندارىنىڭ بازاسىندا 20 ءىت-ورتالىق اشىلىپ، جىلىنا 35 مىڭ ادامعا ءبىلىم بەرۋ جوسپارلانعان بولاتىن.
ونتۇستىك قازاقستان وبلىسى ءبىلىم باسقارماسىنىڭ مالىمەتىنە سايكەس، 2018 جىلى قۇنى 4 ملن. 900 مىڭ تەڭگەنى قۇرايتىن، 3200 وقۋشىنى قامتيتىن 20 سىنىپ، ال 2019 جىلى 8100 وقۋشىنى قامتيتىن 30 ءىت-سىنىپ اشۋ جوسپارلانۋدا. ول سىنىپتاردا ءىت-ورتالىقتاردا ءبىلىمىن جەتىلدىرگەن مۇعالىمدەر ساباق بەرەتىن بولادى.
بۇگىندە جوسپار ىسكە اسىپ، شىمكەنتتە IT- ورتالىقتىڭ اشىلۋ سالتاناتى ءوتتى. ازاماتتاردىڭ سيفرلىق ساۋاتتىلىقتارىن ارتتىرۋعا، ءبىلىم بەرۋ سالاسىن جەتىلدىرۋگە باعىتتالعىن IT- ورتالىق «نۇر وتان» پارتياسىنىڭ «IT-مامانداردى دايىنداۋ» جوباسى اياسىندا ىسكە استى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ بازاسىندا ورنالاسقان IT-ورتالىق زاماناۋي 16 كومپيۋتەر، جوعارى جىلدامتىقتاعى ينتەرنەت، قاجەتتى ۆەب-باعدارلامالارمەن جابدىقتالعان.
- بۇگىن العاشقى IT-ورتالىق اشتىق. ورتالىقتا IT سالاسىنا قاتىستى قاجەتتى اقپاراتتار، ءتۇرلى قىزمەتتەر ۇسىنىلىپ، ماماندار وقىتىلىپ، جاڭا تەحنولوگيالارمەن قامتاماسىز ەتىلەتىن بولادى. بۇل ءوز كەزەگىندە حالىقتىڭ سيفرلىق ساۋاتتىلىعىن ارتتىرادى، - دەيدى وبلىس اكىمىنىڭ ورىنباسارى تولەگەن سارسەمبايەۆ.
ورتالىقتىڭ اشىلۋ سالتاناتىنا «نۇر وتان» پارتياسى وبلىستىق فيليالى باسشىلىعى، م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ رەكتورى جانە وقىتۋشالىرى، وبلىستىق ءبىلىم باسقارماسىنىڭ باسشىلىعى، ورتالىقتا وقۋعا كەلگەن مۇعالىمدەر، پارتيا فيليالىنىڭ قىزمەتكەرلەرى جانە دە ب ا ق وكىلدەرى قاتىستى.
- ءىت-ورتالىق حالىقتىڭ سيفرلىق ساۋاتتىلىعىن ارتتىرىپ قانا قويماي، ولاردىڭ الەمدىك ءىرى جوبالارعا قاتىساتىن باسەكەگە قابىلەتتى مامان بولىپ قالىپتاسۋىنا جاعداي جاسايدى، - دەيدى پارتيالىقتار.
