اۋە كولىگى قۇرىلىسى № 405 جوندەۋ بازاسىندا ىسكە اسادى. بۇل تۋرالى بۇگىن ماجىلىستە وتكەنۇكىمەت ساعاتىندا قورعانىس جانە اەروعارىش ونىركاسىبى ءمينيسترى بەيبىت اتامقۇلوۆ مالىمدەلى. قورعانىس سالاسىنداعى جاقسى جاڭالىقتان بولەك، شەندى ەلىمىزدە بىلىكتى كادرلاردىڭ قولدى-اياققا تۇرماي جاتقانىن جەتكىزدى.
قورعانىس سالاسىن ويداعىداي دامىتۋ ءۇشىن ەلىمىزدە كاسىبي ماماندار جەتكىلىكسىز. دەپۋتاتتار الدىندا ءسوز العان مينيستر ەڭ الدىمەن وسى تۇيىتكىلگە نازار اۋداردى. بەيبىت اتامقۇلوۆتىڭ ايتۋىنشا، جوعارى وقۋ ورىندارىن ءتامامداپ، شەتەلدە ءبىلىم العان جاستاردىڭ كوبى قازاقستانعا قايتقىسى كەلمەيدى. تۇلەكتەردىڭ مۇددەسىن وياتۋ ءۇشىن ولارعا ءوز جوبالارىن ىسكە اسىراتىن جاڭا الاڭ ۇسىنۋ قاجەت، دەيدى. باسەكەگە قابىلەتتى ارتتىرۋ باعىتىندا مامانداردىڭ ءبىلىمى مەن بىلىكتىلىگى ماڭىزدى. اسكەري يندۋستريانىڭ تالابى دا سيفرلىق تەحنولوگيالارعا اۋىسقان.
«بىزدە ءبىلىمدى جانە وتە تالانتى جاستار كوپ. ولاردىڭ باسىم بولىگى شەتەلدە ەڭ ۇزدىك ۋنيۆەرسيتەتتەردى بىتىرگەن. ءبىراق ءبىز ولاردان ايىرىلىپ قالامىز. سىرتقا كەتىپ جاتىر. سوندىقتان ولارعا بارىنشا جاعداي جاساۋعا ۇمىتىلىپ وتىرمىز. «سيفرلى قازاقستان» باعدارلاماسى بەلسەندى قولعا الىنىپ وتىر»،- دەدى ق ر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ.
مينيستر اتامقۇلوۆ جەتىستىككە دە كەزەك بەردى. وتاندىق مامانداردىڭ كورشى ەلدەرگە جىل باسىنان بەرى 60 تىكۇشاق دايىنداعانىن ايتىپ، ءبىراز ماساتتاندى. ەكسپورتتى «ەۆروكوپتەر قازاقستان ينجينيرينگ» كومپانياسى ىسكە اسىرادى. بەلگىلى بولعانداي، باس قالادا اشىلعان ورتالىق رەسەي، ۋكراينا، ورتالىق ازيا جانە موڭعوليا ەلدەرىنىڭ اۋە كەمەلەرىن جوندەيدى. مينيستر الداعى ۋاقىتتا مي-8 سىندى الىپ تىكۇشاقتاردىڭ الماتىداعى اۆياجوندەۋ زاۋىتىندا قۇراستىرىلاتىنىن حابارلادى.
«بيىل ءبىز تىكۇشاقتاردىڭ العاشقى لەگىن شىعارامىز. ايتا كەتەيىن، بۇل وتە سەنىمدى اۋە كولىگى. ول ءوزىن جان-جاقتى كورسەتە ءبىلدى. سۇرانىسقا يە. جۇمىستىڭ 30 پايىزىن 2016 جىلدىڭ جەلتوقسانىندا استانادا اشىلعان اۋە-تەحنيكالىق ورتالىعى ورىندايدى»،-دەدى ق ر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ.
سونىمەن قاتار، شەندى ەلىمىزدىڭ اسكەريلەرىنە بەرىلگەن ءبروندى تەحنيكاعا توقتالدى. ازىرگە 60 كولىك جەتكىزىلگەن. 2019 جىلى ونىڭ سانى تاعى 30 ارتپاق. الداعى ۋاقىتتا توزىعى جەتكەن بتر-82 كولىكتەرى تولىعىمەن جاڭارۋى ءتيىس. قورعانىس سالاسىندا سيفرلىق تەحنولوگيالارعا دا ءجىتى كوڭىل بولىنەدى. ونىڭ شىندە 3D - پرينتينگ، كومپوزيتتىك ماتەريالدار، اقپاراتتىق تەحنولوگيالار كەڭىنەن داميتىن بولادى.زامان تالابىنا ساي قارۋ-جاراق پەن اسكەري تەحنيكانىڭ جاڭا تۇرلەرىن شىعارۋعا بەت بۇرۋ روبوتتاندىرۋعا، اقپاراتتىق جۇيەلەر مەن كاسىبيلىكتى شىڭداۋعا سەپ بولادى، - دەيدى مينيستر. بەيبىت اتامقۇلوۆ ءسوز سوڭىندا «KADEX-2018» كورمەسىنە كوڭىل اۋداردى. استانادا وتەتىن بيىلعى كورمەدە 6 مەملەكەتتىڭ اەروعارىش سالاسى باسشىلارى باس قوسپاق.
