الماتى وقۋشىلارى «تۇلپار ءمىنىپ، تۋ العان» اتتى بايقاۋدا ب ا ق سىنايدى.

الماتىلىق وقۋشىلاردا قازاق ەپوسىن جاتقا ايتىپ، ءبىر جارىم ميلليون تەڭگە ۇتىپ الۋ مۇمكىندىگى تۋدى. ەلباسىنىڭ «رۋحاني جاڭعىرۋ» باعدارلاماسى اياسىندا قولعا الىنعان «تۇلپار ءمىنىپ، تۋ العان» ادەبي-تانىمدىق شاراسى قالامىزدا العاش رەت ۇيىمداستىرىلماق. بايقاۋعا قاتىسۋشىلار «الپامىس باتىر» جىرىن جاتقا ايتىپ، وندا كەزدەسەتىن كونەرگەن سوزدەردى ءتۇسىندىرىپ، مەكتەپ باعدالاماسى نەگىزىندە ازىرلەنگەن سۇراقتارعا جاۋاپ بەرۋلەرى ءتيىس. جۇلدەنىڭ جالپى قورى 12 ميلليون تەڭگەنى قۇرايدى. ال وقۋشىلاردى دايىنداعان مۇعالىمدەر وكسفورد قالاسىندا اعىلشىن ءتىلى كۋرسىنان وتۋگە جولداما الادى. ۇمىتكەرلەر مامىر ايىنىڭ 25-سىنە دەيىن وتىنىمدەرىن بەرۋلەرى ءتيىس.

«ءبىز بايقاۋعا قاتىسىپ، جۇلدەلى ورىن العان وقۋشىلارعا: ءبىرىنشى ورىنعا - 1،5 ميلليون تەڭگە، ەكىنشى ورىنعا - 1 ميلليون تەڭگە، ال ءۇشىنشى ورىنعا 500 مىڭ تەڭگە ءبولىپ وتىر. سونداي-اق بۇل بايقاۋدىڭ ەڭ ءبىر ەرەكشەلىگى - بايقاۋعا وقۋشىلاردى دايىنداعان ۇستازدارىن دا نازاردان تىس قالدىرعان جوقپىز»، - دەدى  الماتى قالاسى ىشكى ساياسات باسقارماسى باسشىسىنىڭ ورىنباسارى شەگەبەك قاۋىمبايەۆ.

مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ ماقساتىندا الماتى قالاسىنداعى مەكتەپ وقۋشىلارى (6-10 سىنىپ) اراسىندا «تۇلپار ءمىنىپ، تۋ العان!» اتتى ادەبي جانە تاريحي-تانىمدىق بايقاۋى وتەدى.
بايقاۋ 5-15 قىركۇيەك ارالىعىندا اۋداندىق دەڭگەيدە جانە 28 قىركۇيەكتە قالالىق دەڭگەيدە (مارە) ۇيىمداستىرىلادى.
بايقاۋدا قاتىسۋشىلار «الپامىس باتىر» جىرىن جاتقا ايتىپ، جىردا كەزدەسەتىن كونەرگەن سوزدەردىڭ ءمان-مازمۇنىن ءتۇسىندىرىپ، مەكتەپ باعدارلاماسى بويىنشا قازاق ادەبيەتى ءپانىنىڭ وقۋ باعدارلاماسى نەگىزىندە ازىرلەنگەن سۇراقتارعا جاۋاپ بەرۋلەرى ءتيىس.
شارانىڭ باستى ماقساتى:
— بالالار اراسىندا كىتاپ وقۋدى، ونىڭ ىشىندە قازاق حالقىنىڭ باتىرلىق ەپوستارىن ناسيحاتتاۋ؛
— وسكەلەڭ ۇرپاقتىڭ شىعارماشىلىق جانە زياتكەرلىك قابىلەتىن دامىتۋعا جاعداي جاساۋ؛
— بالالاردى حالىق پوەزياسىنا، قازاق حالقىنىڭ رۋحاني اسىل مۇراسىنا دەگەن سۇيىسپەنشىلىككە جانە پاتريوتيزمگە تاربيەلەۋ، ەلدىك پەن ەرلىك رۋحىن، نامىسشىلدىق، قايسارلىق قاسيەتتەرگە باۋلۋ؛
-دارىندى بالالاردى انىقتاۋ جانە ولارعا قولداۋ جاساۋ، ءوز تالانتتارىن كورسەتۋگە مۇمكىندىك بەرۋ؛
بايقاۋ جەڭىمپازدارى اقشالاي سىيلىقتارمەن ماراپاتتالادى.
ءى ورىن (بىرەۋ) – 1 500 000 تەڭگە؛
ءىى ورىن (بىرەۋ) – 1 000 000 تەڭگە؛
ءىىى ورىن (بىرەۋ) – 500 000 تەڭگە.
ال، وسى جەڭىمپازدار مەن جۇلدەگەرلەردى دايىنداعان مۇعالىمدەرگە وكسفورد قالاسىندا (ۇلىبريتانيا) اعىلشىن ءتىلى كۋرستارىنان وتۋگە جولداما بەرىلەدى.
ءى ورىن (بىرەۋ) – 3 اي؛
ءىى ورىن (بىرەۋ) – 2 اي؛
ءىىى ورىن (بىرەۋ) – 1 اي.