قاسىل قاتىقبايەۆا اتىنداعى جارىس جەڭىمپازى ءبىلىم گرانتىن ۇتىپ الدى.

وزاتتار وزا شاپتى. الماتىداعى مەكتەپ وقۋشىلارى اراسىندا وتكەن قاسىل قاتىقبايەۆا اتىنداعى جارىستىڭ جەڭىمپازى انىقتالدى. 3 كەزەڭنەن سۇرىنبەي وتكەن تالىمگەر جوعارى وقۋ ورنىنا تەگىن ءبىلىم الۋعا جولداما الدى. ال ءى، ءىى جانە ءىىى ورىندى يەلەنگەندەرگە قارجىلاي سىيلىق بەرىلدى. 10 كۇنگە جالعاسقان دوداعا ءاۋ باستا 200 ۇمىتكەر قاتىسسا، اقتىق مارەدە ب ا ق سىناۋعا 30-ى قالىپتى. تۇلەكتەر ءبىرىنشى تەست تاپسىرعان، كەيىن انا تىلىندە ويىن ەركىن جەتكىزۋ دەڭگەيىن باقىلاۋ ماقساتىندا ەسسە جازسا، سوڭىندا ۇستاز بولعان جاعدايدا ۇستانار جوباسىن قورعاعان. وسى سىننان سۇرىنبەگەندەر سارالانىپ، سالتاناتتى تۇردە ماراپاتتالدى. قالا اكىمى باۋىرجان بايبەك مەملەكەتتىڭ مىقتىلىعى - ءبىلىمدى ازاماتتارمەن ولشەنەتىندىگىن جەتكىزدى. تۇلەكتەرگە اق جول تىلەپ، سىندارلى ساتتەن ابىرويمەن  وتۋلەرىنە تىلەكشى ەكەنىن ايتتى.

«ەلباسى وزدەرىڭىز بىلەتىندەي، 5 الەۋمەتتىك رەفورمانى ايتتى. 20 مىڭ گرانت قوسىلادى. جەكە قوردان تاعى دا گرانتتار قوسىلادى دەگەن ءسوز. ول دا ەلباسىنىڭ ساياساتىن قولداۋ. مىنا وتىرعان ءبىزدىڭ شاكىرتتەرىمىز بولاشاقتا دامىعان ەلدە تۇرادى دەپ سەنەمىن. ءبىلىمنىڭ ارقاسىندا»، - دەدى الماتى قالاسىنىڭ اكىمى باۋىرجان بايبەك.

ۇستاز بولۋدى ماقسات ەتكەن جەڭىمپاز دا قازىلار القاسىنىڭ الدىندا مۇعالىمدىك مىندەتتى اتقارىپ جۇرگەن سالا مامانى  عىلىمي تىلمەن تالىمگەرگە ءدارىستى ءتۇسىندىرۋ قاتە ەكەنىن ايتىپ، مويىنداتىپ شىققان. فيزيكا-ماتەماتيكا فاكۋلتەتىندە تەگىن وقۋعا مۇمكىندىك العان گرانت يەگەرى جارىستان كەيىن بىلىمگە دەگەن جىگەرىم ودان ءارى ارتتى - دەيدى.

«مەنىڭ ويىمشا، وقۋشىعا ەشقاشان دا كىتاپتىڭ تىلىمەن ساباق تۇسىندىرمەۋى كەرەك. عىلىمي تىلدە جازىلعان ءتىل - وقۋشىعا عانا ەمەس، ۇلكەن ادامداردىڭ وزىنە قيىن. ولاردى قىزىقتىرىپ، ومىرلىك مىسالدار كەلتىرە وتىرىپ، بالا ونى قىزىقپاسا دا ءتۇسىنىپ الادى دەپ ويلايمىن. مەنىڭ جەڭىپ العان  گرانتىم اباي اتىنداعى ۇلتتىق پەداگوگيكالىق ۋنيۆەرسيتەتىنىڭ گرانتى. مەن ءۇشىن كۇتپەگەن جاڭالىق بولدى. فيزيكا-ماتەماتيكا ءپانىن تاڭداپ، ءمۇعالىم، بولماسا عالىم دا بولعىم كەلەدى»، - دەدى «قاسىل قاتىقبايەۆا» اتىنداعى گرانت يەگەرى باقىتجان ابەك.