وڭتۇستىك قازاقستان وبلىسىندا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا العاش رەت«تۋعان جەرگە تاعزىم!» اتتى مەكتەپ بىتىرۋشىلەردىڭ سالتاناتتى جيىنى ءوتتى. اتالعان شارا ءۇش ءجۇزدىڭ باسىن قوسقان ورداباسىدا تۇركى تىلدەس ءۇش ەلدىڭ،ياعني قازاقستان، وزبەكستان جانە قىرعىز رەسپۋبليكاسىنىڭ پرەزيدەنتتەرى باسشىلارىنىڭ باسقوسقاندارىنا 25جىل تولۋىنا وراي ۇيىمداستىرىلىپ وتىر.

ورداباسى اۋدانى «بىرلىك» مونۋمەنتى «ورداباسى» ۇلتتىق تاريحي-مادەني قورىعىندا وتكەن سالتاناتتى شاراعا وبلىس اكىمى ج.تۇيمەبايەۆ، وبلىستىق ءماسليحات حاتشىسى ق.بالابييەۆ، «نۇر وتان» وقوف ءبىرىنشى ورىنباسارى ن.جولداسوۆ، وڭىردەگى ارداگەرلەر مەن زيالى قاۋىم وكىلدەرى، 12 جوعارعى وقۋ ورنىنىڭ باسشىلارى، ءبىلىم سالاسىنىڭ ارداگەرلەرى مەن اتا-انالار جانە مەكتەپ ءبىتىرۋشى تۇلەكتەر جالپى سانى 1 مىڭنان استام ادام قاتىستى.

ۇرپاقتار ساباقتاستىعىنا جالعاۋ بولۋ ماقساتىندا كيەلى مەكەندە وتكىزىلىپ وتىرعان جيىندا ءسوز العان ايماق باسشىسى مەكتەپ ءبىتىرۋشى تۇلەكتەرگە ۇلكەن ءومىر جولىنا باستار قادامدارىنىڭ ءساتتى بولۋىن تىلەدى.

«بۇگىنگى سالتاناتتى شارانىڭ ورداباسى تاۋىندا وتكىزىلۋى كەزدەيسوقتىق ەمەس. ورداباسى تاۋى - قازاقتىڭ ەلدىگىن تانىتار تۇستا وردا بولعان، تاۋەلسىزدىكتىڭ تۋىن جەلبىرەتەر تۇستا كيەلى تۇعىرعا اينالعان اتامەكەن! ورداباسى تاۋى - قازاق ەلىنىڭ بىرلىگىن ناسيحاتتايتىن، ەلىمىزدىڭ رۋحىن كوتەرەتىن جانە 1726 جىلى قازاق حالقىنىڭ جوڭعارلار شاپقىنشىلىعى كەزىندە حالىقتى جۇمىلدىرۋ ماقساتىندا ءۇش ءجۇزدىڭ باسىن قوسىپ، ەلدى قورعاۋعا جۇمىلدىرىلعان تاريحي ورىن. ەلباسىنىڭ «ورداباسىعا ورالۋ – قازاقستاندىق ءپاتريوتيزمنىڭ جارقىن ۇلگىسى» دەپ اتاپ كەتكەنىندەي، سىزدەردى ەلىمىزدىڭ ناعىز پاتريوتتارى بولادى دەگەن سەنىممەن، ۇرپاقتار ساباقتاستىعىنا جالعاۋ بولسىن دەگەن نيەتپەن وسى كيەلى مەكەنگە شاقىردىق»،-دەدى ج.تۇيمەبايەۆ.

شارا بارىسىندا ايماق باسشىسى مەكتەپتى ۇزدىك بىتىرگەن جانە رەسپۋبليكالىق وليمپيادالار مەن بايقاۋلاردا ءوڭىرىمىزدىڭ نامىسىن ابىرويمەن قورعاعان ۇزدىك 10 وقۋشىنى ماراپاتتاپ، باعالى سىيلىقتار تارتۋ ەتتى.

بۇدان بولەك، قاتىسۋشى 500 ۇزدىك وقيتىن مەكتەپ ءبىتىرۋشى تۇلەكتەرگە ەستەلىك سىيلىقتار ۇلەستىرىلسە، ولار ءوز تاراپتارىنان بالاباقشا بۇلدىرشىندەرىنە «ءبىلىم ءالىپبيىن» تاپسىردى.

جاس ۇرپاقتىڭ تۋعان ەلگە دەگەن پاتريوتتىق سەزىمىن ارتتىرىپ، رۋحاني سانانى جاڭعىرتۋعا باعىتتالعان مەكتەپ بىتىرۋشىلەرىنىڭ سالتاناتتى شاراسى كونسەرتتىك باعدارلامامەن جالعاسىن تاۋىپ، ارداگەرلەردىڭ اق باتاسىمەن قورىتىندىلاندى.

ايتا كەتەيىك، «بىرلىك» مونۋمەنتى «ورداباسى» ۇلتتىق تاريحي-مادەني قورىعى 1993 جىلدىڭ 26 مامىرىندا ارنايى ەلباسى نۇرسۇلتان ءابىش ۇلى نازاربايەۆتىڭ قاۋلىسىمەن اشىلعان. بيىل اتالعان قورىقتىڭ قۇرىلعانىنا 25 جىل تولىپ وتىر.

جالپى بيىلعى وقۋ جىلىندا وڭىرىمىزدەگى 1038 مەكتەپتە 634 مىڭعا جۋىق وقۋشى ءبىلىم الدى. ونىڭ ىشىندە، 33766 وقۋشى مەكتەپتى بيىل بىتىرەدى. بۇل رەسپۋبليكادا ءبىتىرۋشى 147 مىڭنان اسا وقۋشىنىڭ ءاربىر بەسىنشىسى وڭتۇستىك ءوڭىرىنىڭ تۇلەگى بولىپ وتىر.  بىتىرۋشىلەردىڭ ىشىندە 1692  تۇلەك «التىن بەلگى» مەدالىنە، ال 1029 وقۋشى«ۇزدىك اتتەستاتقا» ۇمىتكەر اتانىپ وتىر. سونداي-اق، وبلىستا ۇلتتىق ءبىرىڭعاي تەستىلەۋگە 22606 بالا ءوتىنىش بىلدىرگەن.

انىقتاما: وبلىستىڭ ءبىلىم سالاسىنا مەملەكەت تاراپىنان 18،4 ملرد. تەڭگە قارجى ءبولىنىپ 90 ءبىلىم نىساندارىنىڭ قۇرىلىسى جۇرگىزىلۋدە، جىل سوڭىنا دەيىن سونىڭ 45ء-ى پايدالانۋعا بەرىلەدى.سونعى ءۇش جىلدا زامان تالابىنا ساي مەكتەپتەردىڭ ماتەريالدىق-تەحنيكالىق بازاسى دا نىعايدى. جاڭا موديفيكاسيالى فيزيكا، حيميا، بيولوگيا، روبوتوتەحنيكا كابينەتتەرىمەن جابدىقتالىپ، ەلەكتروندى وقىتۋ جۇيەسىنە قوسىلدى.

«سيفرلىق قازاقستان» باعدارلاماسىنا سايكەس وبلىس مەكتەپتەرىندە وقۋ پروسەسىن اۆتوماتتاندىرۋ ماقساتىندا 2018 جىلى وبلىستىق بيۋدجەتتەن 195 مەكتەپكە 189 ينتەراكتيۆتى پانەلدەر مەن 1500 دانا ءبىلىم بەرۋ كونتەنتتەرىنەن تۇراتىن «BilimBook» نوۋتبۋكتارىن ساتىپ الۋ جوسپارلانۋدا.