وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ سارىاعاش اۋدانىنا بارعان ساپارىندا 585 پاتەرلى 13 تۇرعىن ءۇيدىڭ قۇرىلىس جۇمىسىمەن تانىستى. مەردىگەر مەكەمە باسشىلىعىمەن جولىعىپ، ءبىرقاتار تاپسىرمالار بەردى.

    «ءبىر ۋاقىتتا 600-گە جۋىق وتباسىنىڭ پاتەرلى بولۋى وڭىردە سوڭعى 45 جىلدا بولماعان. بۇل دەگەنىمىز - ەلباسىمىزدىڭ حالقىنا دەگەن قامقورلىعى، ەلدىڭ مەرەيى، قۋانىشى. باستىسى، تۇرعىن ءۇيدىڭ ساپاسىنا كوڭىل ءبولىپ، ۋاقىتىلى قۇرىلىس جۇمىستارىن اياقتاۋدى تاپسىرامىن»، - دەدى جانسەيىت قانسەيىت ۇلى.

    ءوڭىر باسشىسى وتكەن جىلى اۋدانداعى «اگرو فۋد قازاقستان» ءجشس-نىڭ ينتەنسيۆتى باۋىنىڭ العاشقى كوشەتىن ءوز قولىمەن وتىرعىزىپ، جاڭا جوبانى باستاپ بەرگەن بولاتىن. بىلتىر عانا جۇمىسى باستالعان ب ا ق بۇگىندە 250 گەكتار اۋماقتى قامتىپ وتىر. قازىرگى تاڭدا ينتەنسيۆتى باۋدا 22 گەكتارعا شيە، 13 گەكتارعا ورىك، 70 گەكتارعا شابدالى جانە 92 گەكتارعا الما كوشەتتەرى ەگىلگەن. بۇل وڭىردەگى ءىرى جوبالاردىڭ ءبىرى. ايتا كەتەرلىگى، 70 گەكتار اۋماققا شابدالى وبلىستا العاش رەت ەگىلىپ وتىر. بۇل دا وبلىس باسشىسىنىڭ تاپسىرماسى اياسىندا جۇزەگە اسقان جارقىن جوبالاردىڭ ءبىرى.

    «باۋدان الداعى ۋاقىتتا 60 توننا الما ءونىمىن الۋ جوسپارلانىپ وتىر ەكەن. وبلىستاعى ورتاشا كورسەتكىش 15 توننا ەكەنىن ەسكەرسەك، مۇنداي ءونىم وڭتۇستىك وڭىرىندە بۇرىن-سوڭدى بولماعان.  وسىنداي وزىق تاجىريبەلەردى وزگە اۋدانداردا دا پايدالانىپ، ينتەنسيۆتى باۋلار سانىن ارتتىرۋىمىز قاجەت»، - دەدى وبلىس باسشىسى.

    بۇدان بولەك، جانسەيىت قانسەيىت ۇلى سارىاعاش اۋدانىنداعى ساپارىندا وڭىردەگى ءبىرقاتار زاڭسىز قۇرىلىستار مەن رەتسىز ساۋدا ورىندارىن سىنعا الىپ، اۋدان باسشىسىنا تاپسىرما بەردى. سونداي-اق، جەرگىلىكتى حالىقپەن جۇزدەسىپ، تىلەكتەرىن تىڭدادى.

    «وتكەن جىلى دەربىسەك، جىبەك جولى، جەمىستى، قىزىلجار، اقجار سىندى ءبىرقاتار اۋىلداردىڭ جولى كۇردەلى جوندەۋدەن ءوتتى. سونداي-اق، اتالعان ەلدى مەكەندەرگە قوسىمشا جاياۋ جۇرگىنشىلەر جولى سالىندى. اۋدانداعى 8 اۋىل تابيعي گازبەن قامتاماسىز ەتىلىپ، 2700 ۇيگە كوگىلدىر وتىن باردى. سونىمەن قاتار، بيىل 13 اۋىلعا گاز تارتىلىپ، 10 اۋىل تاۋلىك بويى تازا اۋىز سۋمەن قامتىلاتىن بولادى»، - دەدى وبلىس اكىمى.

    ايماق باسشىسى جەرگىلىكتى حالىققا تەك مەملەكەتتىڭ قولداۋىنا يەك ارتىپ وتىرا بەرمەي، ءوز اۋلالارىن تازا ۇستاپ، تۋعان جەردىڭ كوركەيۋىنە ءاربىر ازامات ۇلەستەرىن قوسۋ قاجەتتىگىن جەتكىزدى.