كيەلى مەكەندەردى كورگىسى كەلەتىن شەتەلدىك جانە وتاندىق تۋريستەرگە جول باستاۋشى بولۋدى قالايتىن وڭتۇستىكقازاقستاندىق جاستار «گيد-ۆولونتەر» جوباسى بويىنشا ىسكە كىرىسكەن ەدى. «رۋحاني جاڭعىرۋ» جوبالىق كەڭسەسىنىڭ قولداۋىمەن قولعا الىنعان بۇل جوباعا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى «تۋريزم» جانە «تاريح» ماماندىقتارىنىڭ ستۋدەنتتەرى بەلسەنە قاتىستى. گيد بولۋعا نيەت بىلدىرگەن ەرىكتىلەر وڭىردەگى كيەلى جانە تاريحي ورىنداردا بولىپ، وزدەرىن قىزىقتىرعان ماماندىقتىڭ قىر-سىرىن مەڭگەردى.

ساياحات بارىسىندا ستۋدەنتتەر ارىستانباب، قوجا احمەت ياسساۋي، دومالاق انا، بايدىبەك اتا كەسەنەلەرىنەن باستاپ، وڭىردەگى بارلىق كيەلى نىسانداردىڭ تاريحى مەن ەرەكشەلىكتەرىنە قانىقتى. تۋريزم سالاسىنىڭ ماماندارى عاني نازاربەك پەن گۇلنار بەكمۇراتوۆا جانە جەرگىلىكتى شىراقشىلاردىڭ تاراپىنان ەرىكتى گيدتەرگە اقىل-كەڭەستەر ايتىلىپ، تاجىريبە الماسىلدى. جۋىردا «وntustik Center» ورتالىعىندا ستۋدەنتتەر كيەلى ورىندار مەن تۋريستتىك مارشرۋتتا بەلگىلەنگەن نىساندارعا جاساعان، زەرتتەگەن جۇمىستارىن قورعادى. سونداي-اق، 72 ساعاتتىق پراكتيكالىق كۋرستان ءوتتى. گيد-ۆولونتەرلەردىڭ زەرەكتىگى تەكسەرىلىپ، ولارعا سەرتيفيكاتتار تاپسىرىلدى.

* جوباعا قاتىسىپ، كوپ نارسەنى ۇيرەندىك. تۋعان جەردىڭ تاريحىن وقۋمەن قاتار، كوزبەن كورۋدىڭ ءوزى دە ءبىر عانيبەت. بويىمىزداعى وتانعا دەگەن سۇيىسپەنشىلىك ەسەلەنە ءتۇستى.كەلەشەكتە مەكتەپ وقۋشىلارىنىڭ ساياحاتقا شىقسا تانىستىرىلىم جاساۋعا دايىنمىن –دەيدى پيك-16-3ك توبىنىڭ ستۋدەنتى زاكير انتاروۆ.