ەلباسىمىز نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا كوتەرىلگەن «تۋعان جەر» باعدارلاماسىن ىسكە اسىرۋ ماقساتىندا تۋعان ەلدەن تۇلەپ ۇشىپ، ەلىمىزدىڭ باسقا وبلىس، قالالارىندا قىزمەت اتقارىپ جۇرگەن وتىرارلىق ازاماتتار اۋىلعا دەگەن ىستىق ىقىلاستارىن يگىلىكتى ىسپەن دالەلدەدى.
استانا قالاسىنىڭ 20 جىلدىق مەرەيلى جىلى اياسىندا، قاسيەتتى رامازان ايىندا جەكە كاسىپكەر ەسبول قامباروۆ اقتوبە اۋىلىندا زاماناۋي تالاپقا ساي 240 ورىندىق اۋەسبەك قامباروۆ اتىنداعى سپورت كەشەنىن پايدالانۋعا بەردى.
اۋدان اكىمدىگىنىڭ ۇسىنىسىن قابىل العان كاسىپكەر ەسبول اۋەسبەك ۇلى 1 ناۋرىز - العىس ايتۋ كۇنى مەرەكەسىنە وراي قۇرىلىس جۇمىستارىن باستاپ، بولاشاق سپورت كەشەنىنىڭ قازىعىن قاعۋ ءراسىمىن وتكىزگەن بولاتىن. از ۋاقىت ىشىندە بوي كوتەرگەن كەشەننىڭ قۇرىلىسى تولىعىمەن اياقتالىپ، اقتوبەلىكتەردى زور قۋانىشقا كەنەلتتى.
سپورتتىق نىساننىڭ اشىلۋىنا اۋدان اكىمى ەرلان ايتاحانوۆ قاتىسىپ، ەلدىمەكەن تۇرعىندارىن قۇتتىقتادى.
«بۇگىن كۇش اتاسى قاجىمۇقان اتامىزدىڭ تۋعان جەرى اقتوبە اۋىلىندا حالىق يگىلىگى ءۇشىن جاسالعان تاعى ءبىر جاقسى ءىستىڭ، وسى ەلدى مەكەننىڭ بالالارى ءۇشىن سالىنىپ، ەل يگىلىگىنە پايدالانۋعا بەرىلگەلى جاتقان يگى باستامانىڭ كۋاسى بولىپ تۇرمىز. ەلباسىمىزدىڭ «بولاشاققا باعدار - رۋحاني جاڭعىرۋ» باعدارلاماسىنىڭ - تۋعان جەر جوباسى اياسىندا اۋىل جاستارىنا، سالاۋاتتى ءومىر سالتىن ۇستانۋ ماقساتىندا جەرلەسىمىز كاسىپكەر ەسبول قامباروۆتىڭ قولداۋىمەن سالىنعان سپورت كەشەنى ەل يگىلىگى ءۇشىن قالتقىسىز قىزمەت ەتە بەرسىن.
بولاشاقتا وسى كەشەندە شىڭدالعان بالعىن سپورتشىلارىمىز حالىقارالىق دەڭگەيدەگى جارىستاردا توپ جارىپ، وليمپ شىڭىن باعىندىراتىندىعىنا سەنىم كامىل» دەدى، ەرلان ايتاحانوۆ.
اۋىل تۇرعىندارىنىڭ العىسىنا بولەنگەن جانى جومارت ازاماتقا ەل اعالارى قۇرمەتپەن ەر قاناتى ات مىنگىزىپ، يىعىنا زەرلى شاپان جاپتى.
ەندىگى جەردە اۋىل تۇرعىندارى سپورتتىڭ كۇرەس، بوكس، كىشى فۋتبول، ۆوللەيبول، باسكەتبول، ۇستەل تەننيسى سەكىلدى بىرنەشە تۇرىمەن شۇعىلدانىپ، بۇقارالىق سپورتتى دامىتۋعا ءوز ۇلەستەرىن قوساتىن بولادى.
سپورت كەشەنىنىڭ اشىلۋ راسىمىنەن سوڭ تىل ارداگەرى اۋەسبەك قامبارۇلىن ەسكە الۋعا ارنالعان ۆوللەيبولدان وبلىستىق بىرىنشىلىكپەن جالعاسىن تاپتى.
تۇرعىندار اراسىندا بۇقارالىق سپورتتى دامىتۋ، سالاۋاتتى ءومىر سالتىن ناسيحاتتاۋ ماقساتىندا ءوتىپ جاتقان تۋرنيرگە وبلىسىمىزدان 10 كوماندا قاتىسىپ، باقتارىن سىنادى.
