جۋانتوبەدە دە "بايتەرەك" بار.

ەلباسىمىز ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ «اتامەكەن»، «تۋعان جەر» ارنايى جوباسى اياسىندا سوزاق اۋدانى، جۋانتوبە اۋىلىنداعى س.سەيفۋللين اتىنداعى جالپى ورتا مەكتەبىنىڭ 1998 جىلعى ءبىتىرۋشى تۇلەكتەر استانا قالاسىنىڭ 20 جىلدىعىنا، سوزاق اۋدانىنىڭ 90 جىلدىعىنا وراي وزدەرى تۋىپ وسكەن، كىندىك قانى تامعان تۋعان جەرلەرىنە «بايتەرەك» مونۋمەنتىن ورناتتى.

اشىلۋ سالتاناتىنا قاتىسقان اۋدان اكىمىنىڭ ورىنباسارى ايداربەكوۆ باعدات بەگمان ۇلى مەن 1998 جىلى  بىتىرگەن تۇلەكتەر اتىنان قايرات ۇلى ەلنۇر سالتاناتتى تۇردە لەنتاسىن قيدى. ب.ايداربەكوۆ ءوز كەزەگىندە اۋىل تۇرعىندارىنا قۇتتىقتاۋ ءسوز سويلەپ، تۋعان جەرگە تاعزىم ەتىپ، ازاماتتىق ءىس جاساعان جانداردى اۋدان اكىمىنىڭ ارنايى العىس حاتىمەن ماراپاتتادى.

اشىلۋ سالتاناتى مەرەكەلىك شاراعا ارنايى شاقىرۋمەن كەلگەن اۋداندىق «مىڭجىلقى»  مادەنيەت سارايى ونەرپازدارىنىڭ كونسەرتتىك باعدارلاماسىمەن جالعاستى. شاراعا قاتىسقان  اق جاۋلىقتى اجەلەر شاشۋ شاشىپ،  قاريالار اق باتاسىن بەردى.