«رۋحاني جاڭعىرۋ» وبلىستىق جوبالىق كەڭسەسىنىڭ ۇيىمداستىرۋىمەن مەكتەپ كىتاپحانالارىندا «ليدەر Reader ON» كەشەندى ءىس-شاراسى وتكىزىلىپ جاتىر.
ماقساتى: مەكتەپ وقۋشىلارى اراسىندا كىتاپتىڭ ماڭىزدىلىعى، كىتاپ وقۋعا دەگەن قىزىعۋشىلىعىن وياتۋ، ومىردە جاقسى جەتىستىككە جەتۋ ءۇشىن كوپ وقىپ، ىزدەنۋ كەرەك ەكەنىن ۇعىندىرا وتىرىپ، ولاردى ادامگەرشىلىككە، مەيىرىمدىلىككە، ادەپتىلىككە تاربيەلەۋ.وقۋشىلاردىڭ شىعارماشىلىق قابىلەتتەرىن، كوركەم ادەبيەتكە دەگەن قىزىعۋشىلىعىن دامىتۋ، دۇنيەتانىمىن كەڭەيتۋ،سانا-سەزىمدەرىن، ومىرلىك ۇستانىمدارىن قالىپتاستىرۋ.
شاردارا اۋدانىندا ب.سوقپاقبايەۆ مەكتەبىندە «ليدەر Reader ON» كەشەندى ءىس-شاراسىن قورتىندىلادى.
كىتاپ وقۋدا ۇزدىكتىك تانىتقان 13 وقۋشى انىقتالدى. ۇزدىكتەر جەرگىلىكتى اقىنداردىڭ شىعارماشىلىقتارىن مانەرلەپ، ناقىشىنا كەلتىرىپ ورىندادى. سونىمەن قاتار، اقىن-جازۋشىلاردىڭ ەڭبەكتەرىنەن قۇرالعان بۋكترەيلەر كورسەتىلدى.
«رۋحاني جاڭعىرۋ» وبلىستىق جوبالىق كەڭسەسىنىڭ وكىلى س.كەندىربايەۆ ۇيىمداستىرىلعان ءىس-شارا ءوز كەزەگىندە وقۋشىلاردىڭ كىتاپ وقىپ، رۋحاني ازىق الىپ، وتانسۇيگىش ازامات بولىپ قالىپتاسۋىنا يگى ىقپالىن تيگىزەتىنىڭ ايتتى.قاتىسۋشىلارعا العىسىن ايتىپ، ساتتىلىكتەر تىلەدى.
ءىس-شارا بارىسىندا ق.امانجولوۆ اتىنداعى مەكتەپتىڭ وقۋشىلارى «رۋحاني جاڭعىرۋ» ادەبي-سازدى مونتاجىن ۇسىنسا، س.قۇرمانعازى اتىنداعى مەكتەبىنىڭ ءبىلىمپازدارى «تۋعان جەرىم-كەشە، بۇگىن، ەرتەڭ» تاقىرىبىندا ۇزدىك عىلىمي-ىزدەنىس جۇمىسىنىڭ پرەزەنتاسياسىن تانىستىردى. ال، ب.سوقپاقبايەۆ اتىنداعى مەكتەپتىڭ وقۋشىلارى «اباي دانالىعى» اشىق تاربيەلىك-ينتەللەكتۋالدىق ساباعىن وتكىزدى. سونىمەن قاتار، ءىس-شارا اۋداندىق بالالار ساز مەكتەبىنىڭ وقۋشىلارى كونسەرتتىك باعدارلاماسى مەن شەرۋگە جالعاستى. ءىس-شارادا ۇزدىكتىك تانىتقان وقۋشىلارعا اۋدان اكىمدىگىنىڭ ارنايى ديپلومى بەرىلدى.
