الداعى جىلۋ ماۋسىمىنا دايىندىقتى بۇگىننەن باستاپ پىسىقتاۋىمىز قاجەت. اۋدانعا قاجەتتى قاتتى جانە سۇيىق وتىنداردى دەر كەزىندە تاسىمالداپ، ولاردىڭ قالىپتى ساقتالۋىنا بارلىق جاعداي جاسالۋى ءتيىس. وسى رەتتە اسىرەسە كومىردىڭ ساپاسىنا ءمان بەرىلىپ، ءبىلىم بەرۋ، دەنساۋلىق ساقتاۋ تاعى باسقا دا الەۋمەتتىك ماڭىزى بار مەكەمەلەردى گيدراۆليكالىق سىعىمداۋدان كەستەگە ساي جۇرگىزۋ ءىسى قولعا الىنسىن. بۇگىن بۇل تۋرالى اپپارات وتىرىسىندا ماقتارال اۋدانىنىڭ اكىمى جامانتاي بەيسەنبايەۆ ءمالىم ەتتى.
كۇن تارتىبىندەگى ءبىرىنشى ماسەلە – 2018-2019 جىلدارداعى جىلۋ ماۋسىمىنا دايىندىق بارىسى تۋرالى اۋداندىق ءتۇرعىن-ۇي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى باستىعىنىڭ مىندەتىن اتقارۋشى مىرزابەك ابىشيەۆ بايانداما جاسادى. ونىڭ ايتۋىنشا، اۋدان بويىنشا ءبىلىم سالاسىندا 125 مەكتەپ، 33 بالاباقشا جانە 4 مەكتەپتەن تىس مەكەمە، مادەنيەت سالاسىندا 56، دەنساۋلىق ساقتاۋ سالاسىندا 131، سپورت جانە دەنە شىنىقتىرۋ سالاسىندا 3، جۇمىسپەن قامتۋدى ۇيلەستىرۋ سالاسىندا 1 مەكەمە بار. بارلىعى 353 بيۋدجەتتىك مەكەمەلەردى 15 مىڭ 076 توننا قاتتى وتىن مەن 59 مىڭ 135 ليتر سۇيىق وتىنمەن قامتاماسىز ەتۋ جوسپارلانۋدا.
«دەنساۋلىق ساقتاۋ سالاسى بويىنشا مىرزاكەنت ەمحاناسىنا قاراستى نۇرلىبايەۆ اۋىلدىق وكرۋگى ىنتالى ەلدىمەكەنىندەگى ورتالىق امبۋلاتورياعا بارلىعى 3800 ليتر سۇيىق وتىن جوسپارلانعان. قازىرگى تاڭدا مەملەكەتتىك ساتىپ الۋ جۇمىستارى جۇرگىزىلۋدە. جوسپارلانعان قاتتى وتىن 1785 توننانى قۇرايدى. تاسىمالداۋ مەرزىمدەرى وسى ايدىڭ 27- نە دەيىن. مىرزاكەنت اۋرۋحاناسىنا 609 توننا، اتاكەنت اۋرۋحاناسى 106 توننا، جەتىساي اۋرۋحاناسى 486 توننا، اسىقاتا اۋرۋحاناسى 530 توننا تاسىمالدانۋى جوسپارلانۋدا. كومىر باعاسى 10 مىڭ 152 تەڭگە. كومىردىڭ ءتۇرى – شۇباركول. جالپى قارالعان قارجى 18 125،0 مىڭ تەڭگەنى قۇراپ وتىر»، - دەيدى مىرزابەك ابىشيەۆ.
بۇگىنگى تاڭدا اۋدانداعى دەنساۋلىق ساقتاۋ سالاسىنداعى 131 مەديسينا مەكەمەسىنىڭ 130-نا گيدراۆليكالىق سىعىمداۋ جۇمىستارى جۇرگىزىلىپتى. ناتيجەسىندە 124 نىسان جىلۋ بەرۋ ماۋسىمىنا دايىن ەكەنى انىقت الىپ وتىر. ءبىلىم سالاسىندا 1 مەكتەپكە عانا سۇيىق وتىن تاسىمالداناتىن بولادى. ول اتامەكەن اۋىلدىق وكرۋگىندەگى «ءمىرزاشول» جالپى ورتا مەكتەبى. بۇل ءبىلىم ۇياسىنا 55335،5 ليتر سۇيىق وتىن قاجەت. وسى ماقساتقا 8 ملن 56 مىڭ تەڭگە قارجى قاراستىرىلعان. ال، قالعان ءبىلىم بەرۋ مەكەمەلەرىنە 12 مىڭ 930 توننا قاتتى وتىن تاسىمالداۋ جوسپارلانۋدا. بۇل ماقساتقا 131 ملن 384 مىڭ تەڭگە قاراستىرىلماق. قاتتى وتىندى تاسىمالداۋ جۇمىستارى تامىز ايىنىڭ 25 كۇنىنە دەيىن اياقتالۋى ءتيىس.
جىلۋ ماۋسىمىنا دايىندىق جۇمىستارىنىڭ بارىسىنا قانىققان اۋدان اكىمى ءبىلىم سالاسىنداعى مەكەمەلەردەگى جىلۋ جۇيەلەرىن تولىقتاي سىعىمداۋدان وتكىزۋدى جانە قاتتى وتىندى ساقتاۋ قويمالارىن ازىرلەۋدى تاپسىردى.
«تاياۋ كۇندەرى ءبىلىم ۇيالارىنا كومىر تاسىمالداۋ جۇمىستارى باستالاتىن بولادى. الايدا ونى قابىلداپ الۋعا قانشالىقتى دايىنبىز؟ ماسەلە وسىندا. ەگەر ساقتاۋ ماسەلەسىنە ءمان بەرمەسەك، تاسىمالدانعان كومىرلەردىڭ ساپاسىن جوعالتىپ الامىز. سوسىن قىستىڭ كۇندەرى بىقسىپ جانباي وتىرادى. سوندىقتان وسىعان باستى نازار اۋدارۋىمىز قاجەت»، - دەدى جامانتاي قاناي ۇلى.
قازىرگى تاڭدا اۋدانداعى 162 ءبىلىم بەرۋ نىساندارىنىڭ 134ء-ى گيدراۆليكالىق سىعىمداۋدان وتكىزىلىپتى. قالعان 28 مەكتەپتىڭ جىلۋ جۇيەلەرىندە اقاۋ بار ەكەنى انىقتالعان. وسىعان وراي اعىمداعى جوندەۋ جۇمىستارىن جۇرگىزۋ ماقساتىندا سمەتالىق قۇجاتى ازىرلەنىپ، 37 771،0 مىڭ تەڭگە قارجى بولدىرۋگە ۇسىنىس بەرىلگەن.
ال، اۋدانداعى مادەنيەت ۇيلەرىنە 302 توننا كومىر قاجەت. سپورت جانە دەنە شىنىقتىرۋ سالاسىنداعى مەكتەپتەر گازبەن جىلىتىلادى.
بۇدان بولەك، جەكە سەكتورعا قاجەتتى قاتتى وتىن كولەمى شامامەن 85 مىڭ 586 توننانى قۇرايدى. ەندىگى كەزەكتە بارلىق اۋىل وكرۋگتەرىنىڭ اكىمدىكتەرى سارىعاش اۋدانىنان تۇرعىنداردى قولجەتىمدى ارزان باعاداعى كومىرمەن قامتامىسىز ەتۋى ءتيىس.
