«كوممەرسيالىق ەمەس ۇيىمدار قىزمەتىنىڭ ماسەلەلەرى جونىندەگى كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» ق ر زاڭى جوباسىنىڭ شەڭبەرىندە مەملەكەتتىك الەۋمەتتىك تاپسىرىستى باعالاۋ جۇيەسى ەنگىزىلەدى. زاڭ جوباسى 31 مامىر كۇنى قازاقستان رەسپۋبليكاسى پارلامەنتىنىڭ سەناتىندا قابىلداندى، دەپ حابارلايدى Qamshy.kz اقپارات اگەنتتىگى. 

قازىرگى ۋاقىتتا ءدىن ىستەرى جانە ازاماتتىق قوعام مينيسترلىگىمەن باعالاۋدى جۇرگىزۋدىڭ مەحانيزمدەرى سيپاتتالاتىن مەملەكەتتىك الەۋمەتتىك تاپسىرىستى قالىپتاستىرۋ، ىسكە اسىرۋدى باقىلاۋ جانە ناتيجەلەرىن باعالاۋ ەرەجەلەرى پىسىقتالۋدا.

مەملەكەتتىك الەۋمەتتىك تاپسىرىستى باعالاۋ دەگەنىمىز – مەملەكەتتىك الەۋمەتتىك تاپسىرىس شەڭبەرىندە جوبالاردى ىسكە اسىرۋدان الىنعان ناتيجەلەردى تالداۋ. ول جوبانىڭ تيىمدىلىگىن انىقتاۋ، تۇرعىنداردىڭ قىزمەتتەردىڭ ساپاسىنا قاناعاتتانۋ دەڭگەيىن انىقتاۋعا مۇمكىندىك بەرەدى.

باعالاۋ جوبا اياقتالعاننان سوڭ مەملەكەتتىك الەۋمەتتىك تاپسىرىستى ىسكە اسىرۋ ەسەپتەرى مەن باقىلاۋ ناتيجەلەرىنىڭ نەگىزىندە وتكىزىلەتىن بولادى. جوبالار وزەكتىلىك، جوسپاردىڭ ورىندالۋى، جوبانىڭ ناتيجەسى، قىزمەتتىڭ جالعاسۋ مۇمكىندىگى، ۇزاقمەرزىمدى وڭ الەۋمەتتىك ناتيجە مۇمكىندىگى جانە ت.ب. سياقتى ارنايى پىسىقتالعان كريتەرييلەر بويىنشا ساراپشىلار كەڭەسىمەن باعالانادى.

اتالعان كەڭەستەر الەۋمەتتىك جوبالار ىسكە اسىرىلاتىن باعىتتار بويىنشا تاجىريبەسى، راستايتىن سەرتيفيكاتتارى بار ماماندار قاتارىنان قالىپتاساتىن بولادى.

سونىمەن قوسا، ساراپشىلار باعالاۋىنىڭ قورىتىندىسى بويىنشا مەملەكەتتىك الەۋمەتتىك تاپسىرىس ناتيجەلەرىن باعالاۋ جوبالارىنا قوعامدىق تالقىلاۋ وتكىزۋ جانە ونىڭ ەسەبىن مەملەكەتتىك ورگاننىڭ رەسمي سايتىندا جاريالاۋ جوسپارلانۋدا.

ءدىن ىستەرى جانە ازاماتتىق قوعام مينيسترلىگى جوبالاردى باعالاۋ جۇيەسىن دايىنداۋ كەزىندە حالىقارالىق تاجيريبە زەرتتەلدى دەپ حابارلايدى. وسىنداي جۇيە ۇلىبريتانيادا، كانادا مەن حورۆاتيادا قولدانىلادى، ولاردا الەۋمەتتىك جوبالاردى ىسكە اسىرۋ كەزىندەگى مىندەتتى شارتى – تۇرعىندارعا تيگىزەتىن اسەرى مەن ناتيجەسى بولىپ تابىلادى.

قازىرگى ۋاقىتتا مەملەكەتتىك الەۋمەتتىك تاپسىرىستى باعالاۋ جۇيەسىن ەنگىزۋ ءۇشىن مينيسترلىك «ازاماتتىق قوعامدى دامىتۋ اسسوسياسياسى» زتب بىرلەسىپ، بەكىتىلگەن مەموراندۋمنىڭ شەڭبەرىندە ءىس-شارالار كەشەنىن ۇيىمداستىردى.

سونىمەن، ا.ج. 14-18 مامىرى ارالىعىندا ينتەراكتيۆتى تۇردە مەملەكەتتىڭ بارلىق ايماقتارىنىڭ ۇەۇ قاتارىنان مامان-كەڭەسشىلەر پۋلىن دايىنداۋ بويىنشا وقىتۋ كۋرسىنىڭ ءبىرىنشى كەزەڭى وتكىزىلدى. ا.ج. ماۋسىمى مەن قىركۇيەگى اراسىندا دايارلانعان مامان-كەڭەسشىلەر ايماقتاردا مەملەكەتتىك الەۋمەتتىك تاپسىرىس شەڭبەرىندە ىسكە اسىرىلعان ۇەۇ جوبالارىنا باعالاۋ وتكىزەدى.

2018 جىلعى قاراشاعا جوسپارلانعان وقىتۋ كۋرسىنىڭ ەكىنشى كەزەڭىندە وتكىزىلگەن جۇمىستىڭ ناتيجەلەرى مەن الەۋمەتتىك جوبالاردى باعالاۋدىڭ مەحانيزمدەرىن ارى قاراي جەتىلدىرۋ ماسەلەلەرى قاراستىرىلاتىن بولادى.

وقىتۋ كۋرسى اياقتالعاننان كەيىن قاتىسۋشىلارعا قازاقستاندا مەملەكەتتىك الەۋمەتتىك جوبالاردى باعالاۋ جونىندەگى كەڭەسشى سەرتيفيكاتتارى تابىستالادى. سەرتيفيكاتتالعان كەڭەسشىلەر بۇدان كەيىن ساراپشىلار كەڭەستەرىنىڭ مۇشەلەرىنە مەملەكەتتىك الەۋمەتتىك تاپسىرىستى باعالاۋ بويىنشا وقىتۋ ماستەر-كلاسستارىن وتكىزەدى.

مەملەكەتتىك الەۋمەتتىك تاپسىرىستى باعالاۋدىڭ الدىن الا ناتيجەلەرى بويىنشا ەسەپتىك پرەزەنتاسيا ا.ج. قاراشادا استانادا وتەتىن قازاقستاننىڭ VIII ازاماتتىق فورۋمى بارىسىندا وتكىزىلەدى دەپ جوسپارلانۋدا.

سونىمەن قوسا، مەملەكەتتىك الەۋمەتتىك تاپسىرىستىڭ تيىمدىلىگىن ارتتىرۋ ماقساتىندا مينيسترلىك ۇەۇ بىرلەسىپ، اعىمداعى جىلى مەملەكەتتىك الەۋمەتتىك تاپسىرىس سالاسىنداعى مەملەكەتتىك ورگانداردىڭ وكىلدەرىنە وقىتۋ سەمينارلارىن وتكىزۋدى جوسپارلاۋدا.