شىعىس قازاقستان مەن رەسەي اراسىندا «ادەبي بەلدەۋ» جوباسى جۇزەگە اسپاق. بۇل تۋرالى وبلىس اكىمى دانيال احمەتوۆ قر-داعى رەسەيدىڭ توتەنشە جانە وكىلەتتى ەلشىسى الەكسەي بوروداۆكينمەن كەزدەسۋ كەزىندە ايتتى، دەپ حابارلايدى التاينيۋس ءتىلشىسى.
بۇل قىزمەتكە جۋىقتا تاعايىندالعان الەكسەي بوروداۆكيندى دانيال احمەتوۆ ءوڭىردىڭ الەۋمەتتىك-ەكونوميكالىق دامۋىمەن قىسقاشا تانىستىرىپ ءوتتى.
«رەسەيمەن باۋىرلاستىق قارىم-قاتىناستى ساقتاۋ وتە ماڭىزدى. شقو مەن رف اراسىندا ءداستۇرلى «التاي — ءبىزدىڭ ورتاق ءۇيىمىز» مادەني-گۋمانيتارلىق باعدارلاماسى اياسىندا جىلدار بويى قالىپتاسقان تىعىز قارىم-قاتىناسىمىز تەك نىعايا تۇسۋدە. جوبانى ارى قاراي دا قولداۋ قاجەت. مادەني سەرىكتەستىكتى نىعايتۋ ءۇشىن تۋريستەرگە ارنالعان «ادەبي بەلدەۋ» جوباسىن ۇيىمداستىرۋدى جوسپارلاپ وتىرمىز»، — دەدى دانيال احمەتوۆ.
ءوز كەزەگىندە رەسەي ەلشىسى ساۋدا-ەكونوميكالىق جانە مادەني-گۋمانيتارلىق، تۋريستىك سالالارداعى ەكىجاقتىقارىم-قاتىناستى ارى قاراي دامىتۋعا مۇددەلى ەكەنىن جەتكىزدى.
