كۋرچاتوۆ قالاسىنداعى ۇلتتىق يادرولىق ورتالىقتا وسىمەن 17ء-ىنشى رەت وتكىزىلىپ وتىرعان جاس عالىمدار مەن ماماندار كونفەرەنسياسى ەلىمىزدەگى بەيبىت اتومدى ناسيحاتتاۋعا ءارى دامىتۋعا ارنالعان.

كونكۋرستىق كوميسسيا مۇشەسى، رادياسيالىق قاۋىپسىزدىك جانە ەكولوگيا ينستيتۋتىنىڭ عالىم-حاتشىسى، بيولوگيا عىلىمدارىنىڭ كانديداتى، PhD دوكتور ناتاليا لاريونوۆانىڭ ايتۋىنشا، جاستاردىڭ عىلىمي كونفەرەنسياسىنا 42 دەلەگات قاتىسىپ وتىر. بيىل عىلىمي جۇمىستار تولىعىمەن ىرىكتەلىپ الىندى. بىلتىرعىمەن سالىستىرعاندا يادرولىق ەنەرگەتيكا سالاسىنا دەن قويۋشىلاردىڭ قاتارى ارتقان.

— جاس عالىمداردىڭ عىلىمي كونفەرەنسياسىندا رادياسيالىق قاۋىپسىزدىك جانە ەكولوگيا ينستيتۋتىنىڭ ينجەنەرى پاۆەل كريۆيسكييدىڭ عىلىمي زەرتتەۋى ۇزدىك جۇمىس بولىپ تابىلدى،-دەدى ق ر ۇلتتىق يادرولىق ورتالىقتىڭ باس ديرەكتورىنىڭ  م.ا سەرگەي بەرەزين،-ول تۇڭعىش رەت سەمەي يادرولىق سىناق پوليگونىنىڭ لاستانعان جەرلەرىن قالاي تازارتۋدىڭ كەرەمەت جولىن ۇسىنىپ وتىر.

«وزىندىك ەرەكشەلىگى بار جۇمىس» رەتىندە رادياسيالىق قاۋىپسىزدىك جانە ەكولوگيا ينستيتۋتىنىڭ ەپيدەميولوگ-مامانى اينۇر كەنەسارينانىڭ زەرتتەمەسى اتالدى. سونداي-اق، ناتاليا لاريونوۆانىڭ ايتۋىنشا، بيىل اتوم ەنەرگەتيكاسى ينستيتۋتىنان ينجەنەر ۆاديم بوچكوۆ «جۇمىسىن كوركەمدەۋ ۇزدىگى» اتالىمىنا يە بولسا، وسى ينستيتۋتتان تاعى ءبىر ينجەنەر قۋانىش سامارحانوۆ وپتيكالىق ساۋلەلەنۋدەگى يادرولىق ەنەرگيا رەاكسيالارىنىڭ وزگەرۋى تۋرالى زەرتتەۋلەرىنە وراي كونفەرەنسيادا 3ء-ىنشى ورىندى يەلەندى.