نيۋ-يوركتىڭ بۇرىنعى اكىمى، بۇگىندە دونالد ترامپتىڭ ادۆوكاتى رۋدي دجۋلياني سولتۇستىك كورەيا باسشىسى كيم چەن ىننىڭ تىزەرلەپ وتىرىپ، امەريكالىق پرەزيدەنتپەن كەزدەسۋىن ءوتىندى.
Wall Street Journal باسىلىمى رۋدي ءدجۋليانيدىڭ ءسوزىن ءبىرىنشى بولىپ جاريالادى. «ەندى، كيم چەن ىن تىزەرلەپ، ءبىزدىڭ دەلەگاسيادان كەزدەسۋ وتكىزۋدەن باس تارتپاۋىمىزدى ءوتىندى»، - دەپ كەلتىردى ادۆوكاتتىڭ ءسوزىن امەريكالىق باسىلىم.
ترامپ مامىردا ءسامميتتىڭ وتپەيتىنىن مالىمدەپ، سولتۇستىك كورەيا تاراپىن «ءوزىن اگرەسسيۆتى ۇستادى» دەپ ايىپتاعان بولاتىن. الايدا كيم چەن ىننىڭ ترامپقا جولدانعان حاتىنان سوڭ اقش باسشىسى كوزقاراسىن وزگەرتىپ، سينگاپۋرلىق سامميتكە دايىندىق باستالىپ كەتكەن ەدى. سوڭعى دەرەكتەرگە سايكەس، پرەزيدەنتتەردىڭ كەزدەسۋى 12 ماۋسىمدا سەنتوس ارالىندا وتەدى.
پىكىر قالدىرۋ