پاۆلودار قالاسىندا مەملەكەتتىك قىزمەتشىلەر اراسىندا رەسپۋبليكالىق ۆولەيبولدان وتكەن تۋرنير مارەسىنە جەتتى.

14 وبلىس پەن استانا، الماتى قالالارىنىڭ كوماندالارى اراسىنان وقو قۇراما كومانداسى توپ جارىپ، 3 كۇندىك جارىس ناتيجەسىندە ءىى ورىندى يەلەندى.

سپورتتىق جارىس مەملەكەتتىك قىزمەت ورگاندارىنىڭ قۇرىلعانىنا  20 جىل تولۋىنا جانە مەملەكەتتىك قىزمەتشىلەر كۇنىنە وراي ۇيىمداستىرىلدى.

اتالعان تۋرنيردە وڭتۇستىك ءوڭىرىنىڭ نامىسىن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى باستاپ، وبلىس اكىمى اپپاراتىنىڭ جانە وعان باعىنىستى مەكەمەلەردىڭ جانە اۋداندىق ءماسليحاتتاردىڭ، كولىكتىك باقىلاۋ ينسپەكسياسىنىڭ، وبلىستىق سوتتار اكىمشىسىنىڭ قىزمەتكەرلەرى قورعادى.

سونداي-اق، بەلسەندى قاتىسقانى ءۇشىن شاردارا اۋدانىنىڭ دەنە شىنىقتىرۋ جانە سپورت ءبولىمىنىڭ باس مامانى ا.ەسالييەۆ قۇرمەت گراموتاسىمەن ماراپاتتالدى.

ايتا كەتەيىك، سپورتتىق ءىس-شارانىڭ نەگىزگى ماقساتى - مەملەكەتتىك قىزمەتتەگى ازاماتتاردى سالاۋاتتى ءومىر سالتىنا باۋلۋ، وبلىس كولەمىندە مەملەكەتتىك قىزمەتشىلەر اراسىندا دەنە شىنىقتىرۋ مەن بۇقارالىق سپورتتى ارتتىرۋ جانە مەملەكەتتىك قىزمەتشىلەردىڭ كاسىبي مەرەكەسىن اتاپ ءوتۋ بولىپ تابىلادى.

جارىس قورىتىندىسىمەن جەڭىمپازدارعا مەدالدار مەن باعالى سىيلىقتار تابىستالدى.