الماتى قالاسى تىلدەردى دامىتۋ باسقارماسى 2018 جىلى 8 ماۋسىم كۇنى الماتى قالاسى، م.اۋەزوۆ اتىنداعى №128 جالپى ءبىلىم بەرەتىن مەكتەپتىڭ ءماجىلىس زالى عيماراتىندا «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا ورىس جاستارى اراسىندا مەملەكەتتىك ءتىلدىڭ قولدانىس اياسىن ارتتىرۋ ماقساتىندا ورىس ءتىلىن جەتىك مەڭگەرگەن قازاق جاستارىنىڭ «وي-سانا» قالالىق بايقاۋىن  وتكىزدى. بايقاۋدىڭ ماقساتى: ورىس ءتىلىن جەتىك مەڭگەرگەن قازاق جاستارى اراسىندا مەملەكەتتىك ءتىلدىڭ قولدانىس اياسىن كەڭەيتۋ، مەملەكەتتىك ءتىلدى قولدانۋ مارتەبەسىن ارتتىرۋ بولدى.

بايقاۋ 4 كەزەڭنەن تۇردى:

ءى. «ءبىلىم بەدەرى» – ورىس ءتىلىنىڭ لەكسيكاسى مەن گرامماتيكاسىنا ارنالعان 60 تەست تاپسىرماسىن ورىنداۋ (40 مينۋت).

ءىى. «قالام قارىمى» – ۇسىنىلعان ءۇش تاقىرىپتىڭ بىرىنە ەسسە جازۋ. كولەمى: 1،5-3 بەت (30 مينۋت).

ءىىى. «ويتالقى» – ۇياشىق اشۋ ارقىلى تاڭدالعان تاپسىرمانى اۋىزشا بايانداۋ (سۋرەتتى سيپاتتاۋ نەمەسە بەرىلگەن اقپاراتتى پايدالانىپ شاعىن اڭگىمە قۇرۋ، 3-5 مينۋت).

ءىV. «شابىت شىڭى» – ءوز تاڭداۋى بويىنشا ورىس تىلىندە ءان ورىنداۋ نەمەسە كوركەم شىعارما ۇزىندىسىنەن تەاترلاندىرىلعان قويىلىم كورسەتۋ (3-5 مينۋت). وسى كەزەڭدەر بويىنشا تومەندەگىدەي جەڭىمپازدار انىقتالدى.

قازىلار القاسىنىڭ شەشىمىمەن بايقاۋ جەڭىمپازدارى انىقتالدى:

باس جۇلدە – مۋحامەدجان ناديرا

ءى ورىن – جانكابايەۆا الفيا

ءىى ورىن – ەمەشيەۆ اديل

ءىىى ورىن – مۋراتحانوۆا الۋا

بايقاۋ شارتتارى بويىنشا «ءسوز زەرگەرى» جانە «ونەر الدى» دەگەن ەكى نوميناسيا بەلگىلەنگەن بولاتىن. ونى ۋشۋرباكييەۆ يلششات مەن تولەبايەۆا ءادينا يەلەندى. ال، ءاليقۇلوۆا مەدينا پەن ءمۇتالىپوۆ جالعاس ىنتالاندىرۋ سىيلىقتارى بەرىلدى. باس جۇلدەنى يەلەنگەن مۇحامەدجان ءناديرا استانا قالاسىندا وتەتىن رەسپۋبليكالىق بايقاۋعا قاتىسىپ الماتىنىڭ نامىسىن قورعايتىن بولادى.