سەمەي قالاسىنىڭ قازاق يننوۆاسيالىق گۋمانيتارلىق-زاڭ ۋنيۆەرسيتەتىندە ق ر پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ ورتالىق ساراپتاما كەڭەسىنىڭ كوشپەلى ءماجىلىسى ءوتتى.
كوشپەلى جيىن «رۋحاني جاڭعىرۋ» باعدارلاماسىن ورىنداۋ بارىسىنا ارنالدى. ساراپشىلار اتالمىش باعدارلامانىڭ شىعىس قازاقستان وبلىسىندا اتقارىلۋ بارىسىن جانە جوعارعى وقۋ ورىندارىندا قانداي ماڭىزدى مىندەتتەر اتقارىلىپ جاتىر، سونى تالقىلادى.
العاشقى بوپ ءسوز العان شقو ىشكى ساياسات باسقارماسىنىڭ باسشىسى نەللي كراسنوبايەۆا، ەلباسى نۇرسۇلتان نازاربايەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسى وبلىستا كەشەندى تۇردە قولعا الىنعاندىعىن، تاريحي-مادەني جەرلەرگە ەكسپەديسيالىق ءتۇرلى باعىتتاعى شارالاردىڭ جۇرگىزىلگەندىگىنەن حاباردار ەتتى.
ءماجىلىستى ق ر ۇعا اكادەميگى، ف.ع.د.، پروفەسسور ورتالىق ساراپتاما كەڭەسىنىڭ ساراپشىسى ديحان قامزابەك ۇلى جۇرگىزىپ وتىردى.
جيىنعا ە.ع.ك.، پروفەسسور ەرلان ارىن، ق ر ينۆەستيسيالار جانە دامۋ ءمينيسترى قوعاممەن بايلانىس ءبوىلىمىنىڭ مەڭگەرۋشسى بەرىك ءۋالي ۇلى، ف.ع. ك.، پروفەسسور امانجول ءالتاي، سەمەيدەگى شاكارىم ۋنيۆەرسيتەتىنىڭ رەكتورى، پروفەسسور مەيىر ەسكەندىروۆ، د. سەرىكبايەۆ اتىنداعى شقمتۋ رەكتورىنىڭ م.ا. ساۋلە راحمەتۋللينا، سارسەن امانجولۆ اتىنداعى شىعىس قازاقستان مەملكەتتىك ۋنيۆەرسيتەتى تاربيە جۇمىسى جونىندەگى پرورەكتور يرينا روۆنياكوۆا جانە تاعى باسقالارى قاتىستى.
جارىس سوزگە شىققانداردىڭ ءبىرى پروفەسسور اراپ ەسپەنبەتوۆ ابايدى رۋحاني جاڭعىرۋ باعدارلاماسىنىڭ نەگىزى ەتىپ العان دۇرىس، دەسەك تە وسى ۋاقىتقا دەيىن اكەسى قۇنانبايدىڭ ەڭبەگى دۇرىس باعالانباي، نازاردان تىس قالىپ وتىرعاندىعىن ايتتى. سونداي-اق، مەملەكەتتىك ەلتاڭبا اۆتورى، ساۋلەتشى جانداربەك مالىبەكوۆ استاناداعى تۇڭعىش پرەزيدەنت مۋزەيىنىڭ بارلىق قالالاردى بولىمدەرى اشىلۋى قاجەتتىگىن، سەمەيدە دە اشىلىپ جاتسا، بارلىق كەرەك-جاراقتى جەتكىزۋدىڭ مۇمكىندىگى بار ەكەندىگىن جەتكىزدى. ساراپتاما توبى قۇرامىندا كەلىپ ءسوز العان سەرىكزات دۇيسەنعازى، ەرلان سايلاۋبايلار الاشتانۋ ماسەلەسىن جوعارى دەڭگەيگە كوتەرۋ قاجەتتىگى تۋرالى ايتتى.
جيىندا بەلگىلى بولعانداي ساراپشىلار رسەپۋبليكالىق جانە حالىقارالىق دەڭگەيدەگى جوبالاردى قالىپتاستىرۋدىڭ قاجەتتىگىنە باسا نازار اۋدارۋدى قولعا الماق. استانادان «اباي» ينستيتۋتىن اشۋ جانە «اباي» جۋرنالىن جوعارى تالاپپەن شىعارۋ كوزدەلگەن. «التاي-تارباعاتاي» كىتاپحاناسى بويىنشا اقتامبەردى جىراۋ، دۋلات باباتاي ۇلى جانە تاعى باسقا دا كوپتەگەن شىعارمالاردان تۇراتىن كىتاپتار شىعارۋ قاجەتتىگىن العا تارتتى. «الاش اۆتونومياسى جانە وڭىردەن شىققان تاريحي تۇلعالار» بويىنشا جوبالارعا ايرىقشا نازار اۋدارۋ كەرەك. ءتۋريزمدى دامىتۋ، كيەلى جەرلەردى ابباتتتاندىرۋ، اقسۋاتتاعى ىرعىزباي بابا كەسەنەسىنە تاريحي ماڭىز بەرۋ، ارحەولوگيالىق زەرتتەۋلەر جۇرگىزۋ، «رۋحاني جاڭعىرۋ» يۋعدارلاماسىنىڭ نەگىزگى ەرەجەلەرىن وقۋ ۇدەرىسىنە ەنگىزۋ، ستۋدەنتتىك باستامالارعا قولداۋ بەرۋ تۋرالى دا ايتىلدى.
كوشپەلى ءماجىلىس سوڭىندا «ىسكەر ازامات-ەل تىرەگى» كىشى باعدارلاماسىنىڭ بەلسەندىلىگىن ارتتىرۋ جونىندە ۇسىنىستار قابىلداندى. ءماجىلىس اياسىندا ل. گۋميليەۆ اتىنداعى ەۇۋ جانە وڭىردەگى بەس ۋنيۆەرسيتەتتىڭ رەكتورلارى «رۋحاني جاڭعىرۋ» باعدارلاماسى بويىنشا بىرلەسكەن جوبالاردى جۇزەگە اسىرۋ بويىنشا ىنتىماقتاستىق مەموراندۋمعا قول قويدى.
